Newcastle është gati të thyejë rekordin e klubit me transferimin e Raphinhas

Barcelona po kërkon t’i rikthehet kufirit të pagave këtë verë dhe ka nevojë për 180 milionë euro nga shitjet dhe kursimet. Duket se ata mund të kenë një ndihmë nga Newcastle United pasi klubi anglez synon transferimin e Raphinhas.

Raphinha dallohet si njëri nga kandidatët për t’u larguar nga Barcelona këtë verë, me Ousmane Dembele që konkurron për vendin e tij, dhe braziliani ende mban një listë të klubeve që e dëshirojnë në Ligën Premier.

Sipas Mundo Deportivo dhe The Chronicle, Newcastle janë të prirur të sjellin brazilianin në Tyneside, por do t’i kushtojë 80 milionë euro për ta bërë këtë transferim të ndodh.

Lexo po ashtu Verë e nxehtë për Newcastle United: Priten së paku katër transferime elitare nga Magpies - në mesin e tyre edhe Raphinha

Raphinha u soll për 58 milionë plus shtatë milionë euro bonuse vetëm verën e kaluar dhe ka shfaqur formë të përzier. Deri më tani ai ka 10 gola dhe 11 asistime këtë sezon.

Kjo tarifë prej 80 milionë euro do të thyente rekordin e transferimeve të Newcastle, pasi e kishin bërë këtë verën e kaluar me Alexander Isak që u bashkua nga Real Sociedad për 70 milionë euro.

Barcelona do të duhet të shesë për mbi 52 milionë euro në mënyrë që të bëjë një fitim, me klubin që i detyrohet 100 milionë euro gjatë katër viteve të ardhshme për marrëveshjen.

🚨 Barcelona have received an €80m verbal offer from Newcastle for Raphinha. 🇧🇷

(Source: @gerardromero) pic.twitter.com/LaIAPxtAg7

— Transfer News Live (@DeadlineDayLive) May 3, 2023

Duke parë opsionet aktuale të Barcelonës, me kusht që Xavi Hernandez të jetë ende i prirur për të mbajtur Dembelen si sulmuesin e tij të parë në krahun e djathtë, shitja e Raphinhas do të kishte kuptim për klubin.

Megjithatë, siç ka ndodhur në vitet e fundit, pjesa e ndërlikuar mund të jetë të bindë Raphinhan të largohet, me Frenkie de Jong që tregoi se lojtarët janë të gatshëm të bëjnë çmos për të qëndruar në klub. /Telegrafi/