Gazeta prestigjioze, The New York Times, ka publikuar një artikull për gratë e politikës kosovare, historitë e tyre nga lufta e fundit e zhvilluar në Kosovë si dhe numrin e ulëseve që ato arritën ta zënë nga votat e qytetarëve në zgjedhjet e 14 shkurtit.
Saranda Bogujevci, Vjosa Osmani, Nazlie Bala, Elife Krasniqi dhe Doarsa Kica, janë disa nga gratë, emrat e të cilave u lakuan përgjatë shkrimit të gazetarit, Andrew Higgins.
The New York Times, shkrimin e nis duke përshkruar mënyrën se si deputetja nga radhët e Lëvizjes Vetëvendosje, Saranda Bogujevci, i ka gjetur një grumbull vrimash në muret e kopshtit të saj, të shkaktuara nga plumbat e masakrës së zhvilluar dy dekada më parë, nga e cila ajo humbi 16 anëtarë të familjes.
“Unë ende mund të nuhas tokën e përzier me erën e gjakut” thotë Bogujevci.
Sipas gazetës amerikane, Bogujevci është simbol i guximit në Kosovë, e cila ka pasur një vendosmëri të nivelit të lartë për të dëshmuar kundër atyre që i vranë nënën e saj, gjyshen dhe dy vëllezërit, si dhe të afërm të tjerë të familjes.
Higgins, theks të veçantë i kushtoi edhe pjesës që 35-vjeçarja, ka qenë dhe mbetet pjesë e një grupi të vogël të grave që ndër vite kanë fituar ulëse në Parlamentin e Republikës së Kosovës.
Higgins, shprehet të jetë “i kënaqur” që më në fund në Kosovë gati 40% e numrit të përgjithshëm të deputetëve, janë gra.
Sipas tij, kjo rritje reflekton pakënaqësinë e qeverisjes së deri tanishme, korrupsionin, si dhe dominimin e veteranëve meshkuj të luftës, të cilët ishin pjesë e Ushtrisë Çlirimtare të Kosovës.
“Këto gra të zgjedhura i kanë bindur votuesit se ato mund t’i rezistojnë Serbisë, e cila ka refuzuar të njohë Kosovën si një shtet të pavarur dhe gjithashtu të përballet me korrupsionin, kriminalitetin dhe qeverisjen e dobët që shkatërroi shpresat e mëdha që ndoqën fundin e sundimit serb” shkruhet më tej në artikull.
Në këtë shkrim po ashtu vend zë edhe opinioni i aktivistes së grave, Nazlije Balës, e cila për Saranda Bogujevcin u shpreh:
“Bogujevci, është një emblemë e shpresave të Kosovës. Ajo është një e mbijetuar e fortë si guri. Ajo është e vërteta jonë. ”
Prestigjiozja, The New York Times, protagoniste të shkrimit e ka bërë edhe u.d Presidenten e Kosovës, Vjosa Osmanin.
“Zonja Osmani – e cila ka qenë presidente e përkohshme që nga nëntori, kur presidenti në detyrë u arrestua me akuza për krime lufte – pritet ta marr përfundimisht këtë post qeverisës. Ajo garoi në zgjedhje me të njëjtën parti si znj. Bogujevci, dhe fitoi më shumë vota se çdo kandidat tjetër dhe gjithashtu më shumë vota se kushdo tjetër që kur Kosova filloi mbajtjen e zgjedhjeve dy dekada më parë”, thuhet në artikull.
Gazetari Higger, e quan Albin Kurtin – Kampion të vjetër i çështjeve progresive, ndërsa vazhdon të shkruaj edhe për ofendimin që Ramush Haradinaj i bëri Vjosa Osmanit.
“Ramush Haradinaj, një rival i cili gjatë fushatës tha se Serbia do të brohoriste nëse Osmani do të fitonte postin e Presidentes, pasi që sipas tij kjo pozitë do të duhej ti takonte një udhëheqësi të fortë mashkull, dhe jo një gruaje “të dobët” “ shkruan Higger.
Tutje në artikull flitet edhe për aderimin në politikë të avokates 30 vjeçare, Doarsa Kica.
“Kica hoqi dorë nga puna e saj për të kandiduar në një platformë anti-korrupsion, duke treguar për takimet e saj në gjykatë me gjyqtarë të korruptuar si dhe zemërimin ndaj politikanëve “që jetojnë në shtëpi me vlerë prej miliona eurosh kur ata kanë vetëm një pagë mujore prej 1,000 euro”.
E përditshmja amerikane, e cilëson shfaqjen e grave në politikën e Kosovës, si një proces të gjatë dhe të dhimbshëm si dhe e përmend faktin se përzgjedhja e presidentes së parë grua ishte një marrëveshje e drejtuar nga Shtetet e Bashkuara.
Ndër të tjerash, artikullin e dedikuar për gratë e politikës në Republikën e Kosovës, gazetari i njohur amerikan e përmbyll me një mendim të një qytetari podujevas.
Bekim Gashi për Saranda Bogujevcin – Sigurisht që do ta votoj, ajo është më e fortë se të gjithë burrat përreth saj.
Lufta Prigozhin - Putin
Më shumëPse Mali i Zi votoi kundër Kosovës në KiE, flet Dritan Abazoviq
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia