Në takimin e zhvilluar në qytetin e Shkodrës me rastin e 10 vjetorit të gazetës “Alpet”, me pjesëmarrjen e studiuesve dhe intelektualëve nga Shqipëria, Mali i Zi, Kosova dhe Lugina e Preshevës, u theksua nevoja e një bashkëpunimi më të gjerë në mbrojtje të interesave të shqiptarëve që jetojnë në rajonin e Ballkanit.
Ish ministri i Jashtëm i Shqipërisë, Besnik Mustafaj tha se bashkëpunimi i deritanishëm mes Shqipërisë, Malit të Zi dhe Kosovës është i pamjaftueshëm.
“Mendoj se fjala më e butë, që i shkon në këtë rast, është një bashkëpunim i pamjaftueshëm. Sepse nuk është problemi për një bashkëpunim mes individëve apo edhe strukturash joqeveritare, siç është gazeta “Alpet” apo disa shoqata. Problemi është që ky bashkëpunim duhet të marrë formë institucionale, sepse të gjitha projektet e zhvillimit kalojnë përmes institucioneve. Ndaj, në këtë kuptim, është i pamjaftueshëm”, tha ai.
Për kryetarin e Bashkimit Demokratik të shqiptarëve në Mal të Zi, Nikollë Camaj, kufiri i sotëm shtetëror mes Shqipërisë, Kosovës dhe Malit të Zi kufizohet nga shqiptarët dhe se Alpet janë një territor që i bashkon ata. Megjithatë, shtoi ai, shqiptarët në Mal të Zi nuk i administrojnë vetë pasuritë, ku ata jetojnë.
“Ne kemi ato pasuri, që janë të përbashkëta, sikurse janë Alpet shqiptare apo sikurse është Liqeni i Shkodrës. Në vend që të realizojmë idenë e Parkut të Paqes, që lindi mu nga shqiptarët, ata realizojnë idenë e parqeve nacionale edhe të Liqenit të Shkodrës, edhe të Bjeshkëve të Nemuna, në fakt Alpeve shqiptare, në mënyrë që ata t’i kontrollojnë. Dhe sot, përpos që kemi ushtarët dhe policët serbë, malazezë, apo maqedonë, në kufi me shqiptarët, kemi edhe rengjerat malazezë, të cilët i kontrollojnë ato pasuri. Dhe kështu na vështirësohet që t’i shfrytëzojmë, qoftë edhe për arsye të turizmit e jo më tepër pasuritë tona”, tha Nikollë Camaj.
Përqendrimi i shoqërisë civile, u shpreh zoti Mustafaj, duhet të jetë jo vetëm në drejtim të rritjes së shkëmbimeve kulturore në këtë rajon, por edhe si presion ndaj institucioneve shtetërore të Shqipërisë, Malit të Zi dhe Kosovës për të siguruar një bashkëpunim ekonomik dhe projekte të përbashkëta zhvillimi, një pjesë e të cilave financohen nga Bashkimi Europian.
“Krahasuar edhe përbrenda Shqipërisë, veriu është shumë më i mbrapambetur, më i pazhvilluar, më i lënë pas dore nga politika dhe institucionet. Po ashtu, edhe pjesët kufitare me Shqipërinë, pjesët e Malit të Zi që banohen në një masë shumë të madhe nga shqiptarët, po edhe deri në Sanxhak, edhe në Kosova, ka mundësi të pafund zhvillimi, projektesh. Nevojat janë edhe më të mëdha se këto mundësi”, tha zoti Mustafaj.
Ndërsa Nikollë Camaj theksoi se ka mjaft çështje të pazgjidhura përsa i përket pasurive të shqiptarëve, të cilat duhet të jenë çështje për trajtim në tryezat ndërqeveritare.
“Pres që në tryezat e përbashkëta të bisedimeve në mes të Podgoricës zyrtare dhe Prishtinës dhe Tiranës zyrtare këto çështje të diskutohen, sepse pa ekonomi të fuqishme, pa mundësi që ne t’i kontrollojmë resurset tona, zor se mund të bëhemi faktor politik. Dhe dihet, nëse duam të ekzistojmë këtu, duhet të jemi ata çka jemi edhe si fuqi në numër, të jemi faktor politik”, tha ai.
Vitet e fundit qeveritë e të tri vendeve fqinje, Shqipërisë, Kosovës dhe Malit të Zi, kanë zhvilluar takime dypalëshe, ku kanë nënshkruar një numër marrëveshjesh, por shumica prej tyre nuk kanë arritur të zbatohen. /VoA/
Promo
Reklamo këtuLufta Prigozhin - Putin
Më shumëKurti ironizon me ushtrimet e ushtrisë serbe: Paraqesin ndotje të ajrit e tokës
Kurti përmendi Thaçin në 11 vjetorin e marrëveshjeve në Bruksel, reagon Çitaku: E di që po të mungon, duro dhe pak - dielli do të lind përsëri
SHBA-ja synon ta "fortifikojë" Ballkanin Perëndimor
Osmani: Do ta njoftojë qeverinë për sulmin në Banjskë, pastaj do të vendoset për Ballkanin e Hapur
Maqedonci ngre alarmin: Tensionet vazhdojnë, Serbia të mërkurën do të testojë dronë kamikazë në kufi me Kosovën
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi