“Nëse do të isha në një klub tjetër, do të mendoja dy herë që të vija te Barcelona” – Raphinha godet drejtuesit e klubit për Olmon

Barcelona do të luajë të mërkurën në mbrëmje ndeshjen gjysmëfinale të Superkupës së Spanjës kundër Athletic Bilbaos.

Ndeshja është caktuar për në ora 20:00 në qytetin saudit të Jeddah. Katalanasit ishin në finale në dy edicionet e mëparshme, ku morën një fitore dhe një humbje.

Raphinha u pyet edhe për situatën e Dani Olmo, ku theksoi se do të mendonte me kujdes për ardhjen në Barcelonë, nëse nuk do të ishte tashmë në klub.

Tema e pashmangshme e çdo konference për shtyp të lojtarëve të Barcelonës është situata rreth Dani Olmos dhe Pau Victor, të cilët nuk mund të regjistrohen.

“Është një situatë mjaft e ndërlikuar. Lojtarët nuk duan kurrë të kalojnë momente të tilla. Nuk e dimë nëse mund të llogarisim në ta apo jo… Shpresojmë që përgjegjësit ta zgjidhin sa më shpejt”.

Lexo po ashtu Dani Olmo rrezikon dëbimin nga Spanja shkaku i situatës së krijuar me Barcelonën

“Unë mendoj se kjo situatë do të ndikojë në transferimet e ardhshme. Nuk do t’ju gënjej sepse nuk më pëlqen ta bëj këtë. Nëse do të isha në një klub tjetër dhe do të shihja situatatën e Pau dhe Dani, do ta mendoja me kujdes përpara se të vendosja të vija”, deklaroi kapiteni i Barcelonës.

Në fund, ai theksoi se pjesa tjetër e ekipit është e fokusuar në punë: “Duhet të shpresojmë që kjo të zgjidhet shpejt. Duhet të presim. Ne po përpiqemi të qëndrojmë të fokusuar për të bërë punën tonë. Shpresoj që njerëzit që kanë për ta zgjidhur këtë mund ta bëjmë shpejt që ne të përcjellim lajmin e mirë”, përfundoi ai. /Telegrafi/