Nëse Real Madridi eliminohet nga Liga e Kampionëve – tifozët do e kërkojnë shkarkimin e Zidanes

Një shumicë e madhe e tifozëve të Real Madridit besojnë se Zinedine Zidane  duhet të shkarkohet nëse klubi nuk arrin të kualifikohet në fazën e eliminimit direkt të Ligës së Kampionëve.

Në sondazhet e kryera nga Marca , 65 për qind e 80,000 të anketuarve besojnë se francezi duhet të largohet nga klubi nëse nuk arrin të kalojë fazën e grupeve.

Los Blancos hyjnë në ndeshjen e fundit të grupit me shtatë pikë nga pesë ndeshjet e tyre – një pikë prapa Borussia Monchengladbach, të cilin ata e presin në ditën e fundit, dhe prapa Shakhtar Donestkut për shkak të rekordit të tyre ballë për ballë.

Lexo po ashtu Super kompjuteri parashikon se cila skuadër do e fitojë Ligën e Kampionëve për edicionin 2020/21

Madrilenët  përfundimisht do të eliminohen me një humbje në shtëpi ndaj Gladbach dhe madje edhe një barazim nuk do të jetë i mjaftueshëm nëse skuadra ukrainase siguron të paktën një barazim kundër Interit.

Golat e pjesës së dytë nga Dentinho dhe Manor Solomon siguruan një fitore mahnitëse për Shakhtarin në mesjavën e kaluar në grupin e tyre të Ligës së Kampionëve.

Lexo po ashtu Presioni është te Zidane – Real Madridi mendon shkarkimin e francezit, me dy super trajnerë në listë

Rezultatet e dobëta për Madridin vazhduan më tej, i cili tani ka humbur pesë herë në 11 ndeshjet e tyre të fundit në të gjitha garat, të njëjtin numër fitoresh që ata kanë marrë në të njëjtën kornizë kohore.

Klubi ka marrë pjesë në fazën e eliminimit të Ligës së Kampionëve në çdo sezon që nga viti 1996-97. /Telegrafi/