Nëse dëshironi të mos turpëroheni para mysafirëve: Truk për gota të qelqta të pastra si kristali, pa asnjë njollë!

Larja e enëve shpesh është një ankth, andaj shumica e femrave vendosin të blejnë makinë për larje të enëve

Megjithatë, një ndër problemeve kryesore në larjen me makinë të enëve janë njollat të cilat mbeten në qelq, andaj nga makina nxjerrim gota të pastra dhe të dezinfektuara, mirëpo edhe me njolla.

Mirëpo, ekziston zgjidhja, madje shumë e lirë – vetëm përdorni uthullën!

Ajo gotave do t’u japë shkëlqim prej kristali dhe do t’ju shpëtojë nga njollat dukjes së turbullt!

Nga ana tjetër, duhet patjetër t’i kushtoni kujdes ku e qitni – mos e qitni në enën për detergjent, sepse mund të gërryejë gypat apo gomat, transmeton Telegrafi.

Për të qenë më të sigurta, uthullën qiteni në një nga enët të cilën do ta lani në makinë dhe vendoseni në dollapin e sipërm.

Edhe makinën herë pas here mund ta lani me uthull. Ajo do ta eliminojë aromën e yndyrave të shtresuara, vetëm që duhet ta aktivizoni të zbrazët, bashkë me enën me uthull.

Mos harroni edhe të aktivizoni shpëlarjen me ujë të nxehtë, për të pastruar më mirë. /Telegrafi/