Nëntë muaj më vonë, hetimet për vdekjen e kinematografes Halyna Hutchins janë drejt fundit

Zyra e Sherifit të Qarkut Santa Fe njoftoi së fundmi se hetimet për vrasjen e kinematografes Halyna Hutchins janë drejt fundit.

Hetuesit thonë se ata po presin për të dhënat telefonike të Baldwin, të cilat Departamenti i Policisë së Qarkut Suffolk po ndihmon autoritetet e New Mexico për t’i marrë, tha zyra e Sherifit.

“Zyra e prokurorit të qarkut ka punuar me Suffolk County PD dhe avokatin e Baldëin për të marrë të dhënat e telefonit. Pasi PD Suffolk County të përfundojë ndihmën e saj të agjencisë dhe t’i dërgojë ato të dhëna te zbatimi i ligjit në New Mexico, detektivët tanë do të duhet t’i shqyrtojnë tërësisht ata telefona”, tha Sherifi i Qarkut Santa Fe, Adan Mendoza.

Kanë kaluar gati nëntë muaj që kur Baldwin qëlloi për vdekje kineasten Halyna Hutchins me një armë që duhej të përdorej në film. Ata ishin pjesë e një ekipi që filmonte “Rust” në periferi të Santa Fe.

Që atëherë, Byroja e Shëndetit dhe Sigurisë në Punë të New Mexico gjobiti kompaninë e prodhimit të filmit për dështime në sigurinë e armëve të zjarrit.

Lexo po ashtu Reagimi i Alec Baldwin kur e kupton se e ka vrarë kinematografen Halyna Hutchins

Familja e Hutchins ka paditur gjithashtu Baldwin dhe producentët e filmit.

Por policia dhe prokurorët ende nuk kanë nxjerrë ndonjë përfundim në lidhje me akuzat e mundshme penale të lidhura me vdekjen e Hutchins.

Zyra e Mendozas tha të enjten se hetuesit duhet të shqyrtojnë një raport të marrë së fundmi nga Zyra e Hetuesit Mjekësor të New Mexico. /Telegrafi/