Komiteti Emergjent i Gjilanit për parandalimin e përhapjes dhe menaxhimin e pandemisë COVID-19, është takuar të premten për të bërë vlerësimin, pas 27 rasteve të reja pozitive me këtë virus.
Nënkryetari Arbër Ismajli, i cili tash e katër muaj po udhëheq me operacionet, ka thënë se situata është nën kontroll të plotë, duke shtuar se janë identifikuar burimet e fundit të infeksionit.
Ai ka kërkuar nga qytetarët që të vazhdojnë t’i respektojnë masat në mënyrë strikte, në pastrimin e duarve sa më shpesh, mbajtjen e distancës dhe bartjen e maskave.
Epidemilogia, Burbuqe Shkodra, në adresimin para mediave, tha se numri numri i përgjithshëm i të infektuarve në periudhën katër mujore është 257, derisa tha se janë në pritje të rezultateve të mostrave për regjionin e Gjilanit në datat 8, 9 dhe 10 korrik.
Ajo tha se ditëve të fundit situata është rënduar me shtimin e rasteve të reja, por fatmirësisht, tha ajo, gjendja pacientëve që kanë rezultuar pozitivë me COVID-19 është stabile.
Shkodra theksoi se do të testohen vetëm rastet që janë të hospitalizuara dhe ata që kanë shfaqur simptoma.
Drejtori Klinik i Spitalit të Përgjithshëm të Gjilanit, anesteziologu, Ukshin Ismaili, tha se kapaciteti i këtij institucioni shëndetësor është 14 qasje të përnjëhershme me oksigjenoterapi, derisa tha se janë 50 shtretër ku mund të hospitalizohen raste eventuale.
Ai kërkoi nga qytetarët që ndjejnë simptoma të këtij virusi, të lajmërohen në Spitalin e Përgjithshëm, i cili është në shërbim prej 24 orë dhe 7 ditë. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251