Në rrjetet sociale nëpër SHBA është duke qarkulluar një video shokuese në të cilën shihet një adoleshent duke e kërcënuar me armë, poshtëruar , keqtrajtuar dhe rrahur brutalisht.

Ngjarja e tmerrshme ka ndodhur në Missouri, kurse pasi është publikuar në Facebook, opinioni amerikan është shokuar për faktin se në të shihet se si adoleshenti detyron bashkëmoshatarin nën kërcënimin e armës që t’ia puth këmbët, derisa tjerët e filmonin dhe qeshnin, transmeton Telegrafi.

Sikur kjo të mos mjaftonte, ai fillon ta godasë pa ndërprerë edhe pse viktima vazhdimisht nuk tentonte të mbrohej, por thjesht e vëzhgonte i habitur adoleshentin e dhunshëm.

Ndërkaq policia menjëherë kishte filluar hetimet ku më pas ka identifikuar dhe arrestuar të adoleshentë. Bëhet e ditur se sulmuesi kryesor është 17-vjeçari Alecander Shrider, profili i të cilit në Facebook është i mbushur me fotografi të armëve të ndryshme të zjarrit.

Në SHBA nuk janë të rralla rastet kur vrasjet i kryejnë adoleshentët, pasi në shumë shtete nuk ekzistojnë kufizime për blerjen e armëve. Vrasjet masive kanë ndodhur nëpër shkolla, ku sulmuesit janë shfaqur me armë në duar. /Telegrafi/