Neil Patrick Harris fitoi një shumë marramendëse nga seriali “How I Met Your Mother”

Ylli i “How I Met Your Mother”, Neil Patrick Harris, ka zbuluar se sa paguhej në javë për rolin e tij si Barney në sezonin e fundit.

Harris komentoi të ardhurat nga seriali në emisionin e Howard Stern – “The Howard Stern Show” dhe zbuloi se sa ishte paguar.

Edhe pse kjo nuk dukej si një sasi adekuate për Stern, Neil tha se ishte mjaft i kënaqur.

The jaw dropping amount Neil Patrick Harris got paid weekly for How I Met Your Mother https://t.co/wfMzN1hxXz

— The Tab (@TheTab) August 22, 2024

Domethënë, ai paguhej 220 mijë euro në javë dhe i pyetur nëse ishte i kënaqur me atë shumë, ai tha: “Po tallesh me mua, 220 mijë në javë? Normal, isha i lumtur për këtë”.

Lexo po ashtu Të gjitha lajmet nga Neil Patrick Harris

Ai shpjegoi se Josh Radnor, i cili portretizoi personazhin kryesor Ted Mosby, si dhe Jason Segel që luante Marshall Eriksen, Cobie Smulders si Robin Scherbatsky dhe Alyson Hannigan që luante Lily Aldrin në serial – fituan të gjithë 220 mijë euro në javë në sezonin e fundit.

Ai gjithashtu pranoi se u përpoq të negocionte më shumë para se kolegët e tij aktorë në sezonin e katërt dhe të pestë.

“Nuk ishte sikur po përpiqesha të merrja paratë e të tjerëve. Thjesht doja që ekipi im të luftonte për mua sa më shumë që të ishte e mundur për sezonin e ardhshëm”, tha ai.

Për kujtesë, seriali “How I Met Your Mother” u transmetua nga viti 2005 deri në vitin 2014. /Telegrafi/