Në bazë të një hulumtimi të kryer, del se serbët ende kanë mundësi t’i regjistrojnë makinat me targa ilegale në pjesën veriore të Kosovës, ani pse në Bruksel palët u morën vesh që Kosova të mos shqiptojë gjoba, ndërsa Serbia të mos lëshojë targa ilegale.
Ndryshe duket të jetë situata në Rashkë. Atje thonë se nuk mund të ri-regjistrohen makinat me targa “KM” ngase kanë urdhër që të mos lëshojnë të tilla.
Edhe ministri i brendshëm, Xhelal Sveçla, po e akuzon Serbinë se ka shkelur darkordimin e arritur në nëntor në Bruksel.
Ndërsa, BE ka thënë edhe sot se të gjitha palët duhet të përmbahen nga veprimet e njëanshme.
RTK ka kontaktuar me telefon me një qendër të kontrollimit teknik në Mitrovicën e Veriut.
AJO: Urdhëroni…
RTK: Mirëdita, më ka skaduar regjistrimi i veturës, a mund ta vazhdoj?
AJO: Po, me rregullore të re.
RTK: A mundem në targa KM?
AJO: PO, PO!
RTK: Çka më duhet prej dokumenteve?
AJO: Polica e vjetër, letërnjoftimi dhe vetura.
RTK: A mund ta regjistroj në Mitrovicë?
AJO: PO, PO.
RTK: Faleminderit.
Ky ishte një komunikim i RTK-së me një punëtore të një qendre të kontrollimit teknik në veri të Mitrovicës.
Nga komunikimi, ajo çka kuptohet është se qytetarët që kanë makina me targa ilegale serbe KM dhe të tjera, mund t’i riregjistrojnë ato akoma në veri.
Krejt çka duhet nga dokumentet është polica e vjetër e sigurimit, letërnjoftimi dhe vetura.
Megjithatë, situatë ndryshe paraqitet në qytetin e Rashkës.
Një zyrtar në një qendër të kontrollimit teknik, thotë se nuk mund të bëhet regjistrimi i veturave me targa ilegale KM dhe me iniciale të qyteteve të tjera në Kosovë, që janë përdorur nga serbët që nga paslufta.
RTK: Jetoj në Mitrovicën e Veriut, a mund ta regjistroj veturën në tabela KM?
AI: Në tabela KM jo.
RTK: Pse?
AI: Duhet ta ndërrosh komunën.
RTK: Unë jetoj në Mitrovicë, çka të bëj tani?
AI: Na ka ardhur urdhër që mos t`i lëshojmë.
RTK: Ku mund të shkoj për ta regjistruar?
AI: Krejt varet ku e ndërron komunën, nëse e keni ndërruar në Rashkë, mundeni në Rashkë.
Por, ministri i Brendshëm, Xhelal Svecla, ka thënë se Serbia ka shkelur dakordimin për targat.
Sipas tij, Policia e Kosovës, saktësisht Drejtoria e Kufirit, ka evidentuar në disa pika kufitare vetura me targa ilegale “KM”, të riregjistruara në dhjetorin që e lamë pas.
“Duke u bazuar në rastet që janë paraqitur në pikat tona kufitare, Serbia ka shkelur në tërësi këtë dakordim. Në respektim të legjislacionit tonë dhe dakordimit të arritur në Bruksel, Policia e Kosovës nuk ka lejuar hyrjen e këtyre veturave në territorin e Republikës së Kosovës dhe prapë nuk do të lejohen të hyjnë apo veprojnë brenda territorit të Kosovës”, thotë Sveçla.
Ndërkohë, Bashkimi Evropian kërkon nga Kosova dhe Serbia qё të respektojnë plotësisht dhe pa kushte marrëveshjen dhe zgjidhjet pёrkatёse qё datojnë nga 23 nëntori i vitit të kaluar.
Secila çështje rreth interpretimit tё asaj qё u dakordua mё 23 nëntor, sipas Stanos, duhet të diskutohet në kuadër të dialogut të lehtësuar nga BE-ja dhe jo me veprime të pakoordinuara në terren, të cilat mund ta destabilizojnë më tej situatën, e cila edhe ashtu ёshtё e brishtë.
Në Rashkë thonë se nuk mund ta bëjnë ri-regjistrimin me targa KM.
Lufta Prigozhin - Putin
Më shumëNga Rubrika
Aktivistja Blenda Asllani e quan ‘të kundërligjshëm’ vendimin e rektorit të UP-së për pezullimin e profesorit Krasniqi
Detaje nga aksidenti në Çair, janë lënduar dy persona – njëri ka përfunduar në urgjencë
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjatë një operacioni policor në Prishtinë e Gjilan, gjenden dy bunkerë dhe armë zjarri
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Ekspertja e Këshillit të Evropës kritikon Komisionin parlamentar lidhur me Projektligjin për KPM-në
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre