Një gjykatë në Turqi ka filluar sot procesin gjyqësor kundër 20 zyrtarëve sauditë, që dyshohen për vrasjen e gazetarit Jamal Khashoggi.

Gjykatësit turq akuzojnë ish-shefin e inteligjencës të Arabisë Saudite, Ahmet dal-Asiri dhe ish-këshilltarin e gjykatës mbretërore Saud al-Katani, për nxitje për vrasje, transmeton Telegrafi.

18 të akuzuarit e tjerë po ndiqen penalisht për vrasjen e gazetarit, i cili gjatë asaj kohe çdo herë e më shumë kritikonte në artikujt e tij princin saudit Mohammad bin Salman. Të gjithë pritet të gjykohen në mungesë.

E fejuara e Khashoggit shpreson që gjykimi do të zbardhë rastin, dhe do të zbulojë se ku gjendet trupi i tij. Ai për herë të fundit është parë duke hyrë në konsullatën saudite në Stamboll, ku kishte shkuar për të marrë dokumentet e nevojshme për t’u martuar.

Disa minuta më pas është varë, ndërsa trupi i tij edhe sot e kësaj dite nuk është gjetur nga autoritetet e sigurisë. /Telegrafi/