Numri i pacientëve që kanë kërkuar ndihmë mjekësore për sëmundjet e zemrës, në Qendrën Klinike Universitare të Kosovës, është rritur, thonë zyrtarët në Klinikën e Kardiologjisë Invazive dhe Kardiokirurgjisë.
Sëmundjet kardiovaskulare, që prekin zemrën dhe enët e gjakut, sipas Organizatës Botërore të Shëndetësisë, konsiderohen ndër shkaktarët e parë të vdekjeve. Ndërkaq Kosova nuk ka sistem të referimit shëndetësor dhe rrjedhimisht, nuk ka edhe statistika të sakta rreth vdekshmërisë që shkaktojnë sëmundjet e zemrës.
Klinika e Kardiologjisë Invazive dhe ajo e Kardiokirurgjisë, ka trajtuar shumë më shumë pacientë në vitin 2019, krahasuar me vitin paraprak, thotë Tefik Bekteshi, drejtor i këtyre dy klinikave. Ai tha për Radion Evropa e Lirë se këto dy klinika kanë filluar të funksionojnë me dy salla operative, çka ka ndikuar në rritjen e numrit të shërbimeve shëndetësore për pacientët.
Megjithëkëtë, lista e pritjes vazhdon të mbetet në funksion dhe pritjet ndodhin deri në 45 ditë për koronografi, tha ai.
“Këtë vit janë në funksion dy salla në kardiokirurgji dhe dy në intensive me 7 shtretër. Sa i përket numrit dhe procedurave në klinikë, vitin e kaluar për shembull kemi pasur 210 operime në zemër të hapur, derisa këtë vit 306 operime. Kanë qenë 1300 stentime vitin e kaluar, derisa këtë vit janë kryer 1600”, tha Bekteshi.
“Lista e pritjes ekziston, por nga 1 janari i vitit 2020, kemi marrë vendim që për gjithë pacientëve që janë në listë të pritjes t’u caktohet data e saktë e shërbimit që do ta marrin”, tha Bekteshi.
Për këto shërbime, pacientët duhet të paguajnë për vendosje të stentës dhe për koronografi, por jo edhe për operacione në zemër.
“Një stentë në QKUK kushton 350 euro, ndërkaq koronografia kushton 150 euro, e që pacientët duhet të participojnë”, tha Bekteshi, duke konfirmuar se për operacionet në zemër nuk paguhet asnjë cent.
Në anën tjetër Basri Sejdiu, drejtor i Qendrës Klinike Universitare të Kosovës, bëri të ditur se rritjen e numrit të pacientëve në Klinikën e Kardiologjisë Invazive dhe Kardiokirurgjisë e ka mundësuar investimi i bërë gjatë këtij viti në këto klinika.
“Vetëm gjatë vitit 2019, janë bërë investime në sallën e dytë me angiografin e ri, që ka kushtuar 2.4 milionë euro, me gjitha përgatitjet për sallë, ndërkaq në Kardiokirurgji, gjithashtu salla e dytë është funksionalizuar. Po ashtu, edhe puna me një vullnet të stafit shëndetësorë në këto klinika, ka bërë që të rritet fluksi dhe vëllimi”, tha Sejdiu.
Ndryshe në këto klinika mungojnë së paku dy anesteziologë dhe infermierë. Punësimi i kuadrove në mungesë nuk është arritur të realizohet për shkak të mungesës së buxhetit, thonë në QKUK.
Shkalla e vdekshmërisë për sëmundjet e zemrës në QKUK, sipas Bekteshit është rreth 4 për qind, e që siç thotë ai, është e krahasueshme edhe me vendet e zhvilluara.
Gjatë këtij viti, në klinikën e Kardiologjisë Invazive ka filluar edhe programi për trajtimin e infarktit akut brenda 120 minutave. Ky projekt ka për qëllim uljen e vdekshmërisë së pacientëve që përjetojnë sulm në zemër, apo infarkt akut të miokardit, e që kjo e fundit shkakton në gjithë botën vdekshmëri të lartë tek pacientët.
Ky program që tashmë po implementohet vetëm në Prishtinë, parasheh që pacienti të trajtohet dy orët e para pas infarktit në zemër, derisa nga viti 2020, sipas përgjegjësve në QKUK, do të zgjerohet në gjithë Kosovën.
Funksionalizimi dhe modernizimi i shërbimeve shëndetësore brenda Qendrës Klinike Universitare të Kosovës, sipas zyrtarëve të QKUK-së ka ndikuar që pacientët të mos detyrohen që disa shërbime mjekësore t’i kërkojnë vetëm jashtë Kosovës apo në spitale private, ku, sipas tyre, çmimet për kategori të caktuara janë të papërballueshme. /rel/Telegrafi/
Lufta Prigozhin - Putin
Më shumëNga Rubrika
Rriten çmimet e sigurimeve për automjetet në Maqedoni
Sulm fizik ndaj një gruaje dhe kanosje ndaj vozitësit tjetër, Prokuroria ngrit aktakuzë ndaj të dyshuarit në Prishtinë
Shtatë raste të dhunës në familje – gratë raportojnë për dhunë e dëbim nga shtëpia
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pezulloi detyrat publike për shkak të akuzave ndaj bashkëshortes, Rama i del në krah kryeministrit spanjoll
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Për herë të parë sot mbahet seanca në objektin e Komunës së Zubin Potokut
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre