Në qeverinë e shkarkuar malazeze, jep dorëheqje ministria – largohet edhe nga partia e Abazoviqit

Zëvendëskryeministrja për Politikë të Jashtme dhe Ministre e Çështjeve Evropiane, Jovana Maroviq ka dhënë dorëheqje nga këto pozita, konfirmohet për Portalin RTCG.

Ajo gjithashtu i dha fund përfshirjes së saj në Lëvizjen Civile URA, të cilën e udhëheq kryeministri i shkarkuar muaj më parë, Dritan Abazoviq.

“Ju njoftoj se pas votimit të mosbesimit të Qeverisë së 43-të të Malit të Zi në seancën e Kuvendit të datës 19 gusht 2022, jap dorëheqje – nga posti i Zëvendëskryeministres për Politikë të Jashtme, Integrime Evropiane dhe Bashkëpunim Rajonal dhe Ministres së Çështjeve Evropiane në mandatin teknik”, ka shkruar ajo.

Maroviq ka deklaruar në Facebook se ka dhënë dorëheqje edhe nga pozita e nënkryetares së Lëvizjes Qytetare URA.

Siç tha ajo, arsyeja që nuk i ka lënë ato funksione më herët është rrumbullakimi i pjesës teknike të procesit, që ka të bëjë me rindërtimin e strukturës së negociatave, përcaktimin e procedurave në Ministri, së bashku me detyrimet e rregullta në procesin e negociatave.

Ajo falënderoi sekretarin e shtetit, drejtorët e përgjithshëm dhe të gjithë punonjësit e Ministrisë së Çështjeve Evropiane për angazhimin dhe dëshirën e sinqertë për ta afruar Malin e Zi me BE-në. /Telegrafi/