Ditë më parë qytetarët u përballën me një rast të rëndë në Prishtinë, ku një 11-vjeçare u dhunua nga pesë persona.

Policia e Kosovës ka arritur t’i arrestojë të pesë të dyshuarit, ndërkaq ndaj katër prej tyre është shqiptuar masa e paraburgimit prej 30 ditësh.

I dyshuari i pestë sot pritet të dal para gjykatës. Nga pesë të arrestuarit katër janë të mitur dhe një 27 vjeçar.

E sot në kryeqytet do të mbahet një protestë për të kundërshtuar dhunën ndaj grave.

​Të mërkurën protestohet për mbrojtjen e vajzave dhe grave ​Të mërkurën protestohet për mbrojtjen e vajzave dhe grave

Protesta mbahet në orën 12:00 dhe fillon nga sheshi “Zahir Pajaziti”, ndërkaq organizohet nga Kolektivi për Mendim dhe Veprim Feminist.

Reklama

Pas rastit të dhunimit të së miturës në Prishtinë të martën është mbajtur takimi i Grupit të Përgjigjes Emergjente, ndërsa u tha se është ofruar mbrojtja e së miturës dhe shërbimet adekuate mbështetëse.

Reklama

Në njoftimin e Ministrisë së Drejtësisë u tha se Qeveria do të krijojë një Komision Profesional, i cili do të analizojë dhe rekomandojë veprime konkrete.

Derisa rastet e dhunës dhe ngacmimit seksual nuk kanë të ndalur, një ditë më parë lidhur me këtë ka reagoi edhe Muhabi Osmani, babai i të ndjerës, Marigona Osmani, e cila është dhunuar dhe trotuar fizikisht deri në vdekje.

Të dyshuarit për vrasjen e Marigona Osmani janë Dardan Krivaqa dhe Arbër Sejdiu, për të cilët ende nuk ka vendim të gjykatës, ndërsa më 14 korrik është mbajtur seanca fillestare.

Reklama

Babai i Marigonës, Muhabi Osmani në një paraqitje në emisionin Radar të RTV Dukagjinit tha se pret dënimin e përjetshëm për të dytë.

Ai pas rastit ku në Prishtinë u dhunua një 11 vjeçare nga pesë persona, ka kërkuar që edhe Kosova të ketë dënimin me vdekje.

Reklama

Më tej, ai tha se si familjarë të Marigonës janë thellë të prekur me rastin e së miturës në Prishtinë.

“Duhet me pru një ligj sikur në Amerikë, dënim me vdekje….tani le të provojnë ata tjerët…kështu nuk është tu funksionu më”, tha ai

Edhe koalicioni i OJQ-ve për Mbrojtjen e Fëmijëve – KOMF i cili përfaqëson 34 organizata jo qeveritare, ka shprehur shqetësimin e thellë karshi neglizhimit, mosveprimit të institucioneve dhe performancës së dobët të sistemit të mbrojtjes së fëmijëve, në parandalimin e situatave të sulmeve dhe abuzimeve seksuale ndaj fëmijëve dhe trajtimin e rasteve ku fëmijët janë viktima të abuzimit seksual.

Reklama

Kjo organizatë gjithashtu shprehu indinjatën e thellë lidhur me krijimin e kulturës së mos ndëshkimit të kryerësve të veprave të krimeve seksuale kundrejt fëmijëve, të kultivuar në radhë të parë nga vetë institucionet e mandatuara për mbrojtjen e fëmijëve.

Reklama

Po kush janë dhunuesit në rastin e 11 vjeçares në Prishtinë?

I dyshuari për dhunimin seksual të 11-vjeçares është i dënuar edhe për dhunë në familje dhe vjedhje të rëndë.

27 vjeçari Ekrem Rexhepi për dhunë në familje ishte dënuar me gjashtë muaj burgim me kusht nga Gjykata Themelore e Prishtinës.

Katër të arrestuar për dhunimin e 11 vjeçares në Prishtinë, njëri në kërkim - reagimet nga politika e shoqëria civile dhe protestë të mërkurën Katër të arrestuar për dhunimin e 11 vjeçares në Prishtinë, njëri në kërkim - reagimet nga politika e shoqëria civile dhe protestë të mërkurën

Në aktgjykimin e Gjykatës theksohet se ky dënim nuk do të ekzekutohet, nëse Rexhepi nuk kryen ndonjë vepër tjetër penale brenda një viti.

Reklama

Në rastet e dhunës në familje, Kodi Penal i Kosovës parasheh dënim me burgim deri në tre vjet.

Tjetër vepër penale për të cilën ai u dënua me vendim të plotfuqishëm, ishte vjedhja e rëndë.

Gjykata Themelore e Prishtinës i ka treguar RTV Dukagjinit se Ekrem Rexhepi për këtë vepër ka vuajtur dënimin me burgim prej një viti, si dhe ka paguar gjobën prej 400 eurove.

Reklama

Në tri rastet e tjera të cilat gjithashtu kishin të bënin me veprën penale të vjedhjes, ai ishte liruar nga akuza. /Telegrafi/