Të premten e kisha pak mërzi me shkue në shkollë, sepse duhej te kalonim përmjedis Pazarit që fillonte nga trekandshi i Shtimes, ku zakonisht ishin të vendosur magargjitë e mbushur me dru dhe vazhdonte përgjatë lumit kah mahalla e Beqovitëve deri prapa urës së vogël ku fillonte kodra e Shkollës.
Zakonisht kjo pjesë ishte e mbushur me kerre plot me drujë te gjatë, traj, lanë apo huj patligjanash. Pjesa mes zyrës së vendit dhe urës se vogël ishte e mbushur me podrimqakë që shitshin rrushë e pjeshka nëpër koshe të thuruna me thupra, si dhe disa bahqegji që shisnin pemë e perime.
Të premten duhej të niseshim më herët se përndryshe vonoheshim në shkollë nga kallabllaku.
Mundeshim të shkonim edhe nga pjesa tjetër pas urës së madhe ku fillonte mahalla e Mulla Hysenëve, por andej ishte Pazari i Gjâve I mbushur me lloj-lloj gjamazi që bërtitshin në kupë të qiellit dhe bajshin be e rrfe se lopa që e shesin është plle dhe i qet pesë litra tambël.
Nuk kisha qef t’ia mbajë andej, sepse duhej të kalonim gjithashtu rreth varrezave dhe frigoheshim nga dhompirët që na i tregojshin shpesh nëpër përralla.
Sidoqoftë, ankthi më i madh i së premtes ishte kthimi nga shkolla në mesditë në pikën e Pazarit, sepse të gjitha ngatërresat ndodhnin në këtë kohē dhe shpesh përfundonin në rrahje me dru magari e deri në plagosje apo edhe vrasje për motive hakmarrje.
Si fēmijë na kishte rastisur të shohim shpesh skena të tilla makabre të premteve, në Pazarin e Shtimes, dhe të trishtuar iknim në shtëpi. Nuk e harroj kurrë një rrahje me dru magari mes një petrovalie dhe njëfar Rrahmanit, burrë me mustaqe mu në trekandshin e Shtimes. Petrovalia e stupcoi pa mëshirë Rrahmanin dhe mos ta ndalshin ke kah e mbytë krejt.
Kjo rrahje u perfolë shumë dhe gjatë në provincën tonë, bile edhe bëhej hajgare me Rrahmanin. Thojshin se Rrahmani edhe i ka ble drutë e veta edhe ka hangër dru magari.
I kisha vetēm dhjetë vjet dhe nuk e kuptoja këtë histori dhe e pyeta axhën Vehbi, ndjesë pastë, çka I bjen kjo punë. Axha më tregoi se rrahja kishte ndodhe kur Rrahmani e kishte ble një magarë dru nga petrovalia, por dikush i paska thanë pastaj atij:
“Qysh bre Rrahman i bleve drutë e tua”?
“Qysh drutë e mia?!”, ia kthen habitshem Rrahmani.
“Po me dy sytë e mi e kam pa petrovalinë që i ka pre drutë në zabel tandin, e ti ja bleve me pare drutë e tua”!
Rrahmani ish kan mërdheze keq prej inatit dhe vrap kish shkue në Pazar, e kish gjetë petrovalinë dhe e kish pas sha me nanë e me babë. Petrovalia pa nja pa dy e nxjerr një dru nga një magar tjetër dhe e ban për spiral Rrahmanin.
Kjo rrahje është përfolë shumë në gjithë rrethinën e Shtimes dhe pat kalue në anekdotë bile. Thojshin: “Edhe me ta vjedhë zabelin, edhe me të rreh, edhe m’i dhanë pare atij që t’ka vjedhë e t’ka rreh, duhet me pasë emnin Rrahman”.
Shpesh më ka ra ndermend kjo histori dhe ngjarjet që pasuan nëpër vite lejnë të kuptojnë se shumë nga ne sikur Rrahmani e kemi hangër dajakun, jemi vjedhë dhe kemi pague pare atyne që na kanë rrehë.
Lufta Prigozhin - Putin
Më shumëHistoria e fisit Shala
Përdorimi i fjalëve të huaja dhe disa huazime të sotme në gjuhën shqipe
Kristo Frashëri dorëzoi letrën, ku për të thuhej: Po e drodhi bishtin, këputini një plumb pas qafe!
LUM LUMI
Jeta në komunizmin shqiptar
Stili muzikor i qyteteve te Shqiperisë së mesme dhe të Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes