Në gjykimin e Fatmir Limajt dhe të tjerëve, në rastin e njohur si MTPT, sot ka dëshmuar ish-kryetari i Komunës së Ferizajt, Bajrush Xhemajli.
Dëshmitari Xhemajli u pyet nga prokurori i çështjes, Charles Hardaway, rreth një komunikimi në mes të Ali Aliut dhe Shpëtim Telakut i zhvilluar më 9 shkurt të vitit 2008.
Sipas Prokurorisë, në atë atë telekomunikim, Shpëtim Telaku i kishte thënë Ali Aliut: “Por ai ka qenë një ditë me Bajrushin dhe më heret Ali Aliu ka thënë se betohem në zot se ka qenë në zyre”.
Pastaj prokurori e pyeti dëshmitarin se a ka shkuar ai në zyret e MTPT-së me këdo qoftë për punë të kompanisë “Ekskavatori”.
Por ish-kryetari i Ferizajit tha se nuk e mban mend të ketë qenë me ndokënd për këtë punë.
Sipas prokurorit dëshmitari më herët kishte deklaruar se kishte shkuar disa herë në MTPT për të diskutuar me Fatmir Limajn andaj e pyeti nëse e kishte takuar ndonjëhere Shpëtim Telakun.
“Ju keni deklaruar se keni shkuar në MTPT disa herë për të diskutuar në lidhje me Fatmir Limajn. Gjatë këtyre rasteve a keni pasur mundesi ta shihni Shpëtim Telakun”, pyeti prokurori.
Dëshmitari u përgjigj se nuk e mban mend por mund ta ketë parë.
Edhe kur u pyet nga prokurori se nëse në vitin 2008 në Ferizaj ishte takuar ndonjëherë me Ali Aliun për të biseduar në lidhje me mirëmbajtjen e rrugëve, Bajrush Xhemajli u përgjigj se nuk di dhe se nuk e njeh Ali Aliun.
Më pas prokurori i paraqiti dëshmitarit edhe një telekomunikim tjetër në të cilin Ali Aliu kishte deklaruar se ishte fjalosur me kryetarin e Ferizajit për një orë e 20 minuta.
“A të kujtohet nëse ndonjëherë ke pasur ndonjë fjalosje me Ali Aliun sa i përket tenderëve të rrugeve?”, pyeti prokurori.
Kurse dëshmitari Bajrush Xhemajli tha se sipas tij Ali Aliu në atë bisedë i referohej kryetarit tjetër Adem Salihaj.
“Sinqerisht nuk e njoh Ali Aliun. Sa i përket kësaj deklarate s’e di nëse m’u ka referuar mua apo ndonjë kryetari tjetër, më poshtë po përmendet Adem Salihaj ndoshta po i referohet atij e jo mua”, tha ish-kryetari i Ferizajt.
Bajrush Xhemajli po ashtu u pyet nëse kishte diskutuar ndonjëherë me Fatmir Limajn në MTPT në lidhje me një projekt për një hekurudhë nëntokësore, e ai u përgjigj se me Limajn kishte diskutuar disa herë në lidhje me disa projekte, kurse mohoi të ketë marrë pjesë në një takim të pandehurin për të diskutuar për ndërtimin e rrugës për Carralevë.
Avokatët e të akuzuarve e as trupi gjykues nuk patën asnjë pyetje për deshmitarin.
Në këtë gjykim, Fatmir Limaj akuzohet për krim të organizuar dhe shpërdorim detyre.
Në procesin e njëjtë me Limajn dhe për akuza të njëjta me të nga Prokuroria Speciale e Kosovës ngarkohen edhe Nexhat Krasniqi e Endrit Shala. Pjesë e gjykimit janë edhe Shpëtim Telaku dhe Florim Zuka.
Akuza ndaj Limajt lidhet me tenderët për mirëmbajtjen e rrugëve në komunën e Gjilanit.
Limaj këtë aktakuzë, që nga EULEX-i quhet e konsoliduar pasi në të janë bashkuar rastet MTPT 1 dhe MTPT 2, më 30 tetor të vitit 2015 e cilësoi të ngritur me urdhër politik. /Kallxo.com/
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre