Në Entin Shtetërorë për Revizion ka mungesë punëtorësh

Rreth 90 punonjës të Entit Shtetërorë për Revizion prisnin me padurim informacion nga Kuvendi për Zgjedhje dhe Emërime që të dinë se a do të kenë shef të ri, por edhe i cili do të nënshkruajë marrjen e pagave të tyre. Revizionistët që nga fillimi i muajit tetor janë pa shef të tyre, sepse ushtruesit të detyrës i ka kaluar mandati, ndërsa ky institucion pa kryetarë është që nga viti 2017.

“Për momentin, jemi të punësuar 90 persona, prej të cilëve 90 përqind janë revizorë, ndërsa dhjetë përqind staf teknik. Sipas sistematizimit të bërë shumë vite më parë, na duhen rreth 150 njerëz që të funksionojnë siç duhet ky institucion. Por kush mund ta mendojë tani, kur duart tona janë kapur plotësisht dhe ne nuk mund të vazhdojmë pa na zgjedhur shefin Kuvendi”, thonë të punësuarit në Entin Shtetërorë për Revizion.

Seanca e djeshme e Komisionit Kuvendar u pezullua pasi partitë në pushtet nuk mund të bien dakord për një kandidat të përbashkët. LSDM dhe BDI garuan me të preferuarit e tyre, të cilat nuk mund të fitonin shumicën në komisionin prej 13 anëtarësh, i cili gjithashtu përfshin gjashtë deputetë të OBRM-PDUKM-së dhe një nga Besa, i cili kryesisht bashkëpunon me partinë më të madhe opozitare të vendit./Telegrafi/