Shumica e ekonomistëve amerikanë presin që Shtetet e Bashkuara të përballen me një rënie ekonomike më vonë gjatë këtij viti, ndryshe nga nga një parashikim i mëparshëm i tyre. Kjo pasi një numër raportesh qeveritare kanë treguar për një ekonomi çuditërisht të fortë, pavarësisht normave të larta të interesit.
Pesëdhjetë e tetë për qind e 48 ekonomistëve që iu përgjigjën një ankete të Shoqatës Kombëtare për Ekonominë e Biznesit parashikojnë një rënie të ekonomisë gjatë këtij viti, një rezultat i ngjashëm me anketën e kryer në dhjetor. Por vetëm 25 për qind e tyre mendojnë se rënia ekonomike do të fillojë nga fundi i marsit, krahasuar me 50 për qind që mendonin se kështu, kur u pyetën në anketën e realizuar dhjetor.
Gjetjet, që pasqyrojnë rezultatet e një ankete me ekonomistë nga bizneset, shoqatat tregtare dhe akademia, u publikuan të hënën.
Një e treta e ekonomistëve që iu përgjigjën anketës tani presin që rënia e ekonomisë të fillojë në tremujorin prill-qershor, ndërsa një e pesta e tyre mendojnë se rënia ekonomike do të fillojë në tremujorin korrik-shtator.
Ndryshimi i parashikimeve të ekonomistëve mbi rënien ekonomike pason publikimin e një numri raportesh qeveritare që tregojnë se ekonomia amerikane është ende e fuqishme, pavarësisht rritjes nga Banka Qendrore të normave të interesit për të frenuar rritjen e inflacionit.
Në janar, punëdhënësit hapën më shumë se gjysmë milioni vende pune dhe shkalla e papunësisë arriti në 3.4 për qind, niveli më i ulët që nga viti 1969.
Shitjet në dyqanet me pakicë dhe restorantet u rritën me 3 për qind në janar, rritja më e madhe mujore në gati dy vjet. Kjo tregon se shpenzimet e konsumatorëve, motori kryesor i ekonomisë amerikane, janë të fuqishme, ata ende mendojnë së janë në gjendje të mirë financiare dhe janë të gatshëm të shpenzojnë.
Megjithatë, disa raporte të qeverisë treguan gjithashtu se inflacioni u rrit përsëri në janar pas rënies për disa muaj, duke nxitur frikën se Banka Qendrore mund të rrisë më tej normat e interesit. Rritja e normave të interesit zakonisht e rrit koston e huamarrjes për blerjen e shtëpive, makinave dhe huamarrjet me kartat e kreditit. Kjo shkakton edhe rritjen e normave të interesit për huatë e bizneseve.
Rritja e kostos së huamarrjes më pas mund të dobësojë ekonominë dhe madje mund të shkaktojë një rënie ekonomike. Një studim ekonomik i publikuar të premten zbuloi se Banka Qendrore nuk ka arritur kurrë të ulë inflacionin nga nivelet e larta që ka arritur kohët e fundit pa shkaktuar një rënie ekonomike. /VoA/
Lufta Prigozhin - Putin
Më shumëGoBau – Kositëse bari
Pasuria e guvernatorit të BQK-së, drejtorit ATK-së dhe drejtorit të Doganës
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
KEDS: Elektroseveri ka filluar t’i vendosë njehsorët e rrymës në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre