Ndiqni rregullat e thjeshta dhe ruani pajisjet tuaja: Si duhet t’i pastroni ekranet

Televizorët dhe pajisjet më moderne që kanë ekrane LCD ose OLED kërkojnë mirëmbajtje paksa më ndryshe në krahasim me modelet e vjetra të televizorëve.

Sipas Jessica Ek, eksperte pastrimi nga Instituti Amerikan i Pastrimit, ekranet moderne kanë të njëjtën metodë mirëmbajtjeje dhe duhet të jemi shumë të kujdesshëm kur zgjedhim mjetet me të cilat planifikojmë të pastrojmë.

Gjithashtu, duhet t’i fikim pajisjet për siguri, por edhe sepse do t’i shohim më mirë njollat në ekran.

Lexo po ashtu Pastrimi i ekranit të televizorit pa e dëmtuar

Rregulli i parë i parë kur e pastroni ekranin është përdorimi i leckave me mikrofibër, sepse ekranet më të rinj janë më të ndjeshëm. Materiali i kësaj lecke përmban mikrofibra presioni i të cilave në ekran redukton mundësinë e gërvishtjeve. Ek tregon se asnjëherë nuk duhet të përdorim peshqirë, shami dhe materiale të tjera të ngjashme.

Ai ju këshillon që këto sipërfaqe t’i pastroni me lëvizje të lehta, në mënyrë që të mos shkatërrohen pikselët dhe kjo vlen sidomos për skajet e pajisjes. Gjithashtu, thuhet se lecka për pastrimin e pajisjes duhet të jetë ekskluzivisht e destinuar për sipërfaqe të ngjashme, në mënyrë që të mos mbeten gjurmë të sipërfaqeve të tjera.

Kur bëhet fjalë për zgjedhjen e mjeteve, mund të përdorni çdo mjet të destinuar për pastrimin e ekranit, por mos e aplikoni direkt në pajisje. Aplikoni agjentin në leckë dhe më pas pastroni ekranet. Si këshillë e fundit, thuhet se duhet të shmangni pastrimin në rrathë, në mënyrë që të mos krijohen rreshta. /Telegrafi/