Ka humbur jetën 32 vjeçarja e cila ishte aksidentuar në Koshare të Ferizajt.

Drejtoria Rajonale e Policisë në Ferizaj, ka njoftuar se ka pranuar informatën nga Qendra Klinike Universitare e Kosovës, se sonte, rreth orës 20:00, personi I.R (F/SH/K), e moshës 32 vjeçare, ka ndërruar jetë, si pasojë e lëndimeve të rënda, që kishte pësuar nga aksidenti i komunikacionit i datës 06.06.2021, që ka ndodhur në fshatin Koshare të Ferizajt.

Me vendim të Prokurorit të Shtetit nga Prokuroria Themelore e Ferizajt, trupi i pajetë, dërgohet në Institutin e Mjekësisë Ligjore në Prishtinë, transmeton Telegrafi.

Ndryshe, aksidenti fatal kishte ndodhur më datë 6 qershor, ku të vdekur kishin mbetur katër persona të së njëjtës familje.

Viktimat ishin:

N.R ( M.SH/K) 39 vjeçar – drejtues i automjetit

XH.R ( F/SH/K) 60 vjeçare ,

S.R ( F/SH/K) 32 vjeçare

Y.R ( M/SH/K) 12 vjeçar ./Telegrafi/