FaceApp po bëhet aplikacioni që po “infekton” përdoruesit, duke pushtuar Facebookun dhe Instagrami me foto që duken të plakur.

Por, sa është i sigurt përdorimi i këtij aplikacioni?

Me përdorimin e FaceApp qarkullojnë histori teknologjie dhe të dhënash që shumica e përdoruesve nuk i njohin. Në anën tjetër, kompania thotë se përdor algoritme të inteligjencës artificiale për t’i bërë këto transformime.

FaceApp, si funksionon aplikacioni rus që të plak dhe kush qëndron pas tij FaceApp, si funksionon aplikacioni rus që të plak dhe kush qëndron pas tij

“Kemi zhvilluar një teknologji të re që mundëson modifikimin në mënyrë reale të imazhit tuaj në foto. Elementi që na diferencon nga të tjerët është fotorealizmi. Pasi aplikohet filtri është sërish fotoja jote. Aplikacionet e tjera qëllimisht ndryshojnë imazhin në mënyrë humoristike por nuk është më një foto reale”, ka shpjeguar themeluesi dhe drejtuesi i kompanisë ruse Wireless Lab që qëndron mbrapa aplikacionit, Yaroslav Goncharov për TechCrunch, përcjell Telegrafi.

Ruajtja e fotove

Ju mbani të drejtat për fotot tuaja, por kompania ruan një kopje. FaceApp përdor algoritme shumë të komplikuara për t’i modifikuar fotot, të cilat nuk janë instaluar në telefon kur ju e instaloni aplikacionin. Fotot tuaja duhet të ngarkohen në një server të FaceAppit për përpunim, që do të thotë që një kopje e fotos tuaj i dërgohet kompanisë.

Beyonce pas 30 vitesh me FaceApp

Është e mundur që FaceApp të përdorë fotografitë tuaja që janë të lidhura më të dhënat tjera, ashtu siç bëjnë shumë kompani në internet, por nuk ka indikacione se kërcënimi i keqpërdorimit këtu është i lartë. Ju gjithmonë duhet të keni kujdes duke mos ngarkuar materiale të ndjeshme.

Shqetësime për privatësinë

Deklarata e privatësisë së aplikacionit është e paqartë, gjë që nuk është shenjë e mirë, sidomos e kombinuar me faktin se nuk iu tregohet në mënyrë eksplicite përdoruesve se ata po ngarkojnë “selfie”. Kushtet e privatësisë tregojnë se fotoja mban të dhëna duke e gjurmuar me “cookies”.

Mbani telefonat e zgjuar të sigurt nga hakerët nëpërmjet këtyre pesë metodave Mbani telefonat e zgjuar të sigurt nga hakerët nëpërmjet këtyre pesë metodave

Disa përdorues kanë pohuar se FaceApp automatikisht i ngarkon të gjitha e telefonit tuaj në serverat e kompanisë, në momentin e parë që ju e përdorni këtë aplikacion. Sidoqoftë ekspertët e sigurisë kanë hedhur dyshime mbi këtë pretendim.

Në pjesën e aplikacionit që i dedikohet përdorimit të informacioneve thuhet se, “aplikacioni mund të bashkëndajë përmbajtjen dhe informacionet e përdoruesve me kompanitë që bëjnë pjesë në grupin e shoqërisë së FaceApp”. /Telegrafi/