Votimi i 11 milionë eurove nga ana e Kuvendit të Kosovë për pagesën e rrymës për serbët në katër komunat veriore dhe rifillimi i pagesave të granteve për bizneset e Komunës së Prishtinës, ishin ngjarjet kryesore që e karakterizuan këtë javë në ekonomi.

Deputetët e Kuvendit të Kosovës me 61 vota për kishin miratuar rekomandimet e Komisionit për Ekonomi, Industri, Ndërmarrësi dhe Tregti lidhur me propozimin që Operatori i Sistemit, Transmisionit dhe Tregut të energjisë elektrike të Kosovës (KOSTT) të marrë përgjegjësinë për pagesën e rrymës për serbët në katër komunat veriore, shkruan Telegrafi.

Sipas këtij vendimi, për këto komuna në veri të Kosovës janë ndarë 11 milionë euro për pagesën e rrymës.

Javën e kaluar, ky komision kishte miratuar propozimin e KOSTT-it për ndarjen e këtyre mjeteve.

Kuvendi voton ndarjen e 11 milionë eurove për pagesën e rrymës në veri Kuvendi voton ndarjen e 11 milionë eurove për pagesën e rrymës në veri

Pas miratimit të këtij vendimi, i menjëhershëm kishte qenë reagimi i opozitës.

Nënkryetari i Kuvendit nga radhët e Partisë Demokratike të Kosovës, Bedri Hamza ka thënë se ndarja e 11 milionë euro për pagesën e rrymës në katër komunat në veri të vendit është në kundërshtim me ligjin.

“Kjo është në kundërshtim me ligjin, nuk ka bazë ligjore, për shkak se KOSTT-i është ndërmarrje publike, në bazë të statutit është 100 për qind është pronë e Republikës së Kosovës, ku aksionari i ushtron të drejtat e veta përmes Kuvendit të Kosovës. Kjo është shkelje edhe e qeverisjes koorporative, sepse kjo ndërmarrje e ka Bordin dhe Kuvendi nuk ka te drejtë të ndërhyrje në menaxhimin dhe afarizmin e kësaj ndërmarrjeje”, ishte shprehur Hamza gjatë një konference për medie, përcjell Telegrafi.

Hamza: Ndarja e 11 milionë eurove për pagesën e energjisë në veri është në kundërshtim me ligjin Hamza: Ndarja e 11 milionë eurove për pagesën e energjisë në veri është në kundërshtim me ligjin

Për Aleancën për Ardhmërinë e Kosovës (AAK), Qeveria Kurti po shantazhohet nga serbët në veri të vendit.

“Qeveria e Kosovës po shantazhohet nga serbët, përpos dëmit financiar në buxhetin e vendit, i cili ndërtohet falë djersës së qytetarëve të Kosovës, nga ky veprim po krijohen një sërë dëmesh zinxhirore. Me këtë vendim, Qeveria Kurti po pajtohet se nuk ka potencial të ndëshkojë shkelësit e ligjit të cilët keqpërdorin rrymën. Gjithashtu, kjo rezulton edhe në rritjen e kostos së operimit sepse obligohemi të blejmë energji kur ajo nuk mjafton për të përballur kërkesat. Kjo e rritë edhe koston”, kishte thënë deputeti i AAK-së, Pal Lekaj.

Lekaj: Qeveria e Kosovës po shantazhohet nga serbët, ku i morët 11 milionë euro, pensionistëve ua ndalët shtesat Lekaj: Qeveria e Kosovës po shantazhohet nga serbët, ku i morët 11 milionë euro, pensionistëve ua ndalët shtesat

Gjatë kësaj jave, kryetari i Prishtinës, Shpend Ahmeti në Facebook kishte njoftuar se kanë rifilluar pagesat e granteve për biznese për këtë komunë.

“Prej nesër [enjte] do të rifillojmë pagesat e granteve për biznese pas përfundimit të krejt procedurave administrative. Do të mundohemi ti procesojmë sa më shpejtë edhe pse do të kryhen në grupe nga 100. Pagesat për COVID-19 do të procesohen më shpejtë sepse thesari i proceson më shpejtë. Ju faleminderit për mirëkuptimin”, kishte njoftuar Ahmeti.

Ahmeti: Nesër rifillojnë pagesat e granteve për bizneset, së shpejti edhe pagesat për COVID-19 Ahmeti: Nesër rifillojnë pagesat e granteve për bizneset, së shpejti edhe pagesat për COVID-19

Nga lajmet botërore që karakterizuan ekonominë gjatë javës ishte rritja e shpejtë e kriptovalutës Dogecoin.

Kjo kriptovalutë kishte filluar si shaka, mirëpo sot Dogecoin brenda kësaj jave kishte pasur një rritje prej 400 për qind, apo mbi 5,000 për qind brenda vitit 2021.

Lansuar në vitin 2013 nga zhvilluesi i IBM, Billy Markus dhe programeri Jackson Palmer, Dogecoin duhej të satirizonte në internet kriptovalutat në atë periudhë.

Kjo kriptovalutë është përkrahur gjithashtu nga shumë të famshëm, si Snoop Dogg, Gene Simmons dhe më i rëndësishmi, Elon Musk. /Telegrafi/