NASA zbulon një krater të ri në Hënë

Agjencia amerikane e hapësirës, NASA thotë se një krater i ri prej dhjetë metrash i gjerë në Hënë “ka të ngjarë të jetë vendi i goditjes së misionit rus Luna 25”.

Misioni rus synonte të bënte një ulje të lehtë në polin jugor të Hënës, por në vend të kësaj anija kozmike u rrëzua muajin e kaluar, raporton zeriamerikes.

NASA tha se “anija kozmike ruse Luna 25 përjetoi një anomali”, duke shkaktuar rrëzimin e anijes më 19 gusht.

Agjencia njoftoi se rusët posedojnë fotografi të zonës përreth vendit të përplasjes, të cilat ishin marrë në qershor të vitit 2022 dhe ato imazhe nuk shfaqën ndonjë krater në zonë.

“Meqenëse ky krater i ri është afër pikës së vlerësuar të ndikimit Luna 25… ka të ngjarë të jetë nga ai mision, në vend të një ndikimi natyror”, thuhet në raportin e NASA-s.

Ndërsa misioni më i fundit i Rusisë në Hënë dështoi, NASA po ashtu planifikon që t’i kthehet misioneve të Hënës përmes programit Artemis, që synon të krijojë një prezencë të qëndrueshme në hapësirën hënore. /Telegrafi/