LAJMI I FUNDIT:

Mustafa: Ngritja e proceseve gjyqësore për shkak të përdorimit të simboleve kombëtare, të papranueshme

Mustafa: Ngritja e proceseve gjyqësore për shkak të përdorimit të simboleve kombëtare, të papranueshme
Foto: Ilustrim

Një proces gjyqësor është ngritur ndaj drejtorit të “Shtëpisë së Kulturës” në Bujanoc, Jetmir Ismaili, për shkak se ka përdorur simbole kombëtare në manifestimin “Ditët e Komandant Lleshit”.

Lajmin e ka bërë të ditur përmes një njoftimi në Facebook, kryetari i Këshillit Kombëtar Shqiptar, Ragmi Mustafa, i cili ka thënë se ky është rasti i tretë që prokuroria dhe organet e rendit kanë nxitur procese gjyqi për shkak të theksimit të veçorive të identitetit kombëtar dhe ngritjes së flamurit kombëtar gjatë vitit të kaluar.

Përdori flamurin kombëtar, Gjykata e Bujanocit ngre padi për Ragmi Mustafën
Lexo po ashtu Përdori flamurin kombëtar, Gjykata e Bujanocit ngre padi për Ragmi Mustafën

“Kjo përbën shkelje flagrante të të drejtave të patjetërsueshme të njeriut dhe jo vetëm të garantuara nga konventat ndërkombëtare po edhe nga vetë kushtetuta e Serbisë”, shkruan Mustafa.

Postimi i plotë:

NGRITJA E PROCEVE GJYQËSORE PËR SHKAK TË PËRDORIMIT TË SIMBOLEVE KOMBËTARE JANË TË MOTIVUARA POLITIKISHT

Ngritja e procesit gjyqësor edhe ndaj drejtorit të “Shtëpisë së Kulturës” në Bujanoc, Jetmir Ismaili, për shkak të përdorimit të simboleve kombëtare në manifestimin “Ditët e Komandant Lleshit” është i pa pranueshëm.

Tashmë është rasti i tretë që kur prokuroria dhe organet e rendit kanë nxitur procese gjyqi për shkak të theksimit të veçorive të identitetit kombëtar dhe ngritjes së flamurit kombëtar gjatë vitit të kaluar.

Kjo përbën shkelje flagrante të të drejtave të patjetërsueshme të njeriut dhe jo vetëm të garantuara nga konventat ndërkombëtare po edhe nga vetë kushtetuta e Serbisë.

Në cilësinë e kryetarit të Këshillit Kombëtar Shqiptar nuk mund t’i vlerësoj ndryshe përveç akte të shëmtuara anti-civilizuese e anti-kushtetuese por edhe të motivuara politikisht në kuadër të një diskursi shqiptarofob gjithnjë në rritje në Serbi.

Kjo politikë në emër të shtetit ligjor është në fakt politikë e dëbimit të tjetrit.

Flamuri kombëtar shqiptar do të valojë në Luginën e Preshevës, e nga përpjekja për të ruajtur e mbrojtur e identitetin e simbolet kombëtare nuk do të zmbrapsemi. /Telegrafi/


Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Kalo në kategori