Vullneti i popullit të Britanisë së Madhe për të dalë nga Bashkimi Evropian duhet të respektohet, dhe jo të gjykohet. Me gjithë dilemat, referendumi britanik nuk i dëmton proceset euro-integruese të Kosovës, ka thënë kryeministri i Kosovës, Isa Mustafa, në një bisedë për Koha.net, duke theksuar se Britania e Madhe mbetet partner i rëndësishëm strategjik i Kosovës.
“Vendimi sovran i popullit të Mbretërisë së Bashkuar, i shprehur përmes referendumit për daljen e vendit të tyre nga Bashkimi Evropian, duhet të respektohet. Qytetarët britanikë kanë vendosur dhe ky është fakt që nuk mund të gjykohet, por vetëm të pranohet si i tillë”, tha ai.
I pyetur rreth ndikimeve që ky hap ka për Bashkimin Evropian dhe integrimin e Kosovës, duke pasur parasysh disa opinione pesimiste, Mustafa shpreh bindjen se Kosova do të vazhdojë rrugën e saj të pandalshme drejt familjes evropiane.
“Mbretëria e Bashkuar ka qenë një përkrahëse e madhe e Kosovës në proceset euro-integruese. Megjithatë, perspektiva e Kosovës për integrim në Bashkimin Evropian është e hapur, duke pas parasysh orientimin e qytetarëve të Kosovës si dhe gatishmërinë e BE-së për të avancuar në integrimin e Kosovës dhe tërë rajonit”, tha Mustafa.
Sa i përket raporteve bilaterale në të ardhmen, ai u shpreh se Britania ka qenë dhe do të vazhdojë të jetë partner shumë i rëndësishëm strategjik i Kosovës.
“Mbretëria e Bashkuar ka pasur rol shumë të rëndësishëm në çlirimin e Kosovës, më pas në pavarësinë dhe fuqizimin shtetësisë dhe subjektiviteti ndërkombëtar, si dhe avancimin e të gjitha proceseve të deritashme. Britania do të mbetet partner strategjik shumë i rëndësishëm i Kosovës në të ardhmen. Ne presim përkrahjen e saj të mëtejme në anëtarësimin e Kosovës në organizata ndërkombëtare, në strukturat veri-atlantike por edhe në zhvillimin ekonomik. Britania ka qenë dhe do të mbetet partner i Kosovës në të gjitha fushat”, tha kryeministri Isa Mustafa.
Promo
Reklamo këtuLufta Prigozhin - Putin
Më shumëÇfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
AGK-ja dënon intimidimin publik të deputetit Dimal Basha ndaj gazetares së RTK-së
Drejtori i RTK-së: Gjuha e përdorur nga deputeti Dimal Basha, e papranueshme
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe