Futbollisti i njohur spanjoll, Nico Williams, është bërë anëtar i ri i Barcelonës, pasi ka rënë dakord për një transferim nga Athletic Bilbao në radhët e gjigantit katalanas.
Bëhet fjalë për një transferim me vlerë 62 milionë euro, dhe tifozëve të Athletico Bilbaos nuk u pëlqeu vendimi i përfaqësuesit spanjoll.
Tifozët janë të zhgënjyer sepse, sipas tyre Nico i "qëlloi me thikë pas shpine" dhe iu bashkua radhëve të rivalëve të tij, dhe për këtë arsye ata madje vendosën ta hiqnin imazhin e tij nga një prej muraleve që kanë bërë vitet e fundit.
"Largohu dhe rri larg. Ke humbur respektin", shkruhet tani në mural, në vendin ku qëndronte më parë personazhi i Williams.
Vëllai i Nikut, Inaki, i cili mbeti anëtar i Athletic Bilbaos, foli gjithashtu për gjithçka.
"Pas kësaj shfaqjeje anonime të mungesës së respektit, gjithmonë fshihet dikush aq i vogël sa nuk lejohet të tregojë fytyrën e tij", shkroi Inaki Williams.
Nico Williams është vetëm 22 vjeç dhe është një anëtar standard i ekipit kombëtar spanjoll, dhe verën e kaluar ai ishte një nga aktorët kryesorë në gjueti për titullin e kampionit të Evropës, të cilin Furija e Kuqe arriti në Euro në Gjermani.
Në sezonin e përfunduar së fundmi, ai shënoi 11 gola dhe regjistroi 7 asiste në 45 ndeshje në të gjitha garat. /Telegrafi/
