Mungesë e disqeve të fortë gjatë tërë vitit

Seagate në kuadër të parashikimeve të veta të rregullta në lidhje me afarizmin financiar përsëriti se beson që kërkesa për disqet e fortë do të jetë më e madhe se oferta gjatë tërë vitit 2012.

Në çerekun e vet të dytë fiskal i cili përfundon kah fundi i marsit Seagate pret se do të dërgoj përafërsisht 47 milion disqe të fortë, ku janë të përfshirë edhe rreth 700,000 copë që bëjnë pjesë në afarizmin e Samsungut me disqet e forta të cilin e ka blerë gjatë vitit të kaluar. Të hyrat pritet të jenë në mes 3.1 dhe 3.2 miliard dollarë, që është dukshëm më shumë nga pritjet e mëhershme të analistëve të cilat ishin mesatarisht rreth 2.79 miliard dollarë.

Në Seagate presin që gjatë tërë vitit kalendarik 2012 kërkesa për disqet e forta të jetë më e madhe se oferta. Por theksojnë se besojnë që çmimet do të mbesin relativisht të qëndrueshme.

Në Seagate besojnë se mungesa e kapacitetit do të jetë më e theksuar se vet mungesa e disqeve të forta. Në të vërtetë, kërkesa mesatare për kapacitetin total të disqeve të forta të cilët dërgohen në nivel vjetor rritet për në mes 40 dhe 50%, kështu që derisa numri i disqeve të fortë të shitur të përmbush kërkesat ende do të ekzistoj mungesa e kapacitetit të dërguar. Momentalisht sipas vlerësimeve të Seagate kapaciteti mesatar i disqeve të fortë që dërgohen është mesatarisht 653 GB. /Telegrafi/