A mund ta nxisë pllenimin akupunktura te femrat?

Në akupunkturë përdoren gjilpëra të vogla, të cilat nguliten në vende të caktuara në trup në mënyrë që të nxisin qarkullimin e energjisë

“Fokusi përqendrohet në personin, jo në sëmundjen dhe të gjitha simptomat janë të lidhura”, shpjegon Emma Cannon, akupunkturiste e licencuar, e cila zbulon se si akupunktura mund t’u ndihmojë femrave që të realizojnë amësinë.

“Akupunktura nxit qarkullimin në vezore dhe endometri. Gjithashtu stimulon hipotalamusin, i cili kontrollon hormonet, qetëson mendimet, redukton stresin dhe nxit prodhimin e hormonit LH, i cili ka të bëjë me ovulacionin”, thotë Cannon.

Në akupunkturë përdoren gjilpëra të vogla të cilat nguliten në vende të caktuara në trup në mënyrë që të nxisin qarkullimin e energjisë, përkatësisht të eliminojnë bllokadat në qarkullim të energjisë, transmeton Telegrafi.

Si përdoret akupunktura në faza të ndryshme të ciklit menstrual për të ndihmuar pjellorinë

Faza Menstruale (dita 1-5)

Qëllimi: Të ndihmohet pastrimi i plotë i endometriumit (shtresës së mitrës).
Akupunktura fokusohet në përmirësimin e rrjedhës së gjakut dhe në balancimin hormonal.

Faza Folikulare (dita 6-12)

Qëllimi: Të stimulohet rritja e folikulave në vezore dhe trashja e mukozës së mitrës.
Akupunktura ndihmon në rritjen e qarkullimit të gjakut në vezore dhe mitër.

Faza e Ovulacionit (dita 13-15)

Qëllimi: Të ndihmohet lirimi i vezës së pjekur dhe mbështetja e fertilizimit.
Akupunktura mund të përdoret për të optimizuar hormonet si LH dhe FSH.

Faza Luteale (dita 16-28)

Qëllimi: Të mbështetet implantimi i mundshëm i embrionit në mitër.
Akupunktura ndihmon në stabilizimin e nivelit të progesteronit dhe në uljen e stresit.

Nëse një grua po ndjek një trajtim si IVF, akupunktura bëhet edhe në ditët e transferimit të embrionit, për të përmirësuar shanset e implantimit.

Ekzistojnë edhe fakte shkencore që akupunktura ndihmon në shërimin e sterilitetit.

Disa hulumtime kanë treguar që akupunktura ka ndikuar pozitivisht në shkallën e shtatzënisë klinike.

Hulumtimet e ardhshme do të duhej të përqendrohen në atë se si akupunktura vepron në stimulimin e vezoreve dhe në cilësinë e embrionit dhe të blastocistave.

“Tashmë njëzet vjet bashkëpunoj me mjekët. Shumica e tyre besojnë që akupunktura shton shanset për suksesin e IVF-së së fekondimit të ndihmuar”, përfundon Cannon.

Sigurisht, akupunktura nuk zëvendëson trajtimet mjekësore, por mund të jetë një terapi mbështetëse shumë e dobishme në një qasje gjithëpërfshirëse. /Telegrafi/