Muhamet Ismaili: Dorëheqja e BDI-së shkon në favor të VMRO-DPMNE-së

Sekretari i përgjithshëm i UNITETIT, Muhamet Ismaili, në emisionin 10 minuta, në TV21, tha se BDI po mundohet të shpëtoj diçka nga ajo që kë mbetur ose nga legjitimiteti politik para opinionit. Sipas tij tërheqja e BDI-së nga qeveria shkon në favor të VMRO-DPMNE-së, transmeton Telegrafi Maqedoni.

“Një lëvizje e tillë e tërheqjes nga qeveria mund të shkoj vetëm në favor të VMRO-DPMNE për ti vërtetuar zgjedhjet e më 5 qershor pa marrë parasysh a do të ketë kushte”, u shpreh Muhamet Ismaili, nga UNITETI.

Për lëndët e ngritura nga PSP, Muhamet Isamili tha se gjykata themelore duhet të jetë më përgjegjësive, pasi që një ditë vet ajo mund të përballet para drejtësisë.

“Dhënia e paraburgimit të parë, para dy dite, jep shpresë se ka ndodhë një plasaritje brenda gjykatës. Kuptohet se edhe ata njerëz janë përgjegjës në qoftë se dikush u jep urdhra politike siç ka funksionuar me vite këtu. Një ditë mundet edhe vet gjykatësit të përballohen me drejtësinë”, shtoi Ismaili.

Forcat policore që vërshuan rajonin e Kumanovës ditëve të fundit, sipas Ismailit ishin vetëm një abuzim nga pushteti, ndaj marrëdhënieve ndëretnike në këtë fazë parazgjedhore./Telegrafi/