LAJMI I FUNDIT:

Muçollari: Turistët në Tiranë gjejnë gjithçka, por habiten si një kryeqytet europian nuk ka trena

Muçollari: Turistët në Tiranë gjejnë gjithçka, por habiten si një kryeqytet europian nuk ka trena

Gazeta më e madhe italiane “Corriere della Sera” pak kohë më parë i kushtoi një shkrim Tiranës, “një guidë në kryeqytetin plot surpriza”.

“Kryeqyteti i Shqipërisë, qendra kryesore ekonomike, financiare, tregtare dhe kulturore e vendit, është një qytet në evolucion të vazhdueshëm, i gjallë dhe ideal për një fundjavë ndryshe nga zakonisht.” shkruan gazetarja Francesca Masotti.

Lidhur me çfarë ofron Tirana sot për turistët, ekspertja e turizmit Delinda Muçollari ishte e ftuara e gazetarit Andri Xhahu në emisionin “Në radio”. Sipas saj Tirana po zhvillohet dhe vit pas viti shtohen atraksionet, inovacionet, bizneset dhe vendet e argëtimit dhe edukimit.

E pyetur se a paragjykohet Tirana për çështjet e sigurisë, Delinda shprehet: “Ideja e parë e atyre që kanë dëgjuar pak për Shqipërinë është që jemi një vend i pasigurt. Të huajt më pyesin nëse një vajzë mund të udhëtojë e vetme apo nësë është e sigurt për një turist të shëtisë apo të marrë një makinë me qira. Informacioni që përcillet është i gabuar. Tirana është një qytet i sigurt.”

Shqipëria prej disa vitesh ka qenë zgjedhje për turistët dhe për Delindën kjo ka ardhur edhe nga fakti që vendi ynë është shumë ekonomik për turistët. “Italianët që kam takuar verën e kaluar më treguan që në Shqipëri kanë paguar gjysmën e kostos që ata mund të shpenzonin në plazhet e Italisë apo Greqisë. Për shërbimin që marrin në krahasim me çmimin, është një zgjidhje perfekte.”

Por çfarë i josh turistët për të vizituar Tiranën? “Tursitëve u pëlqen ideja që mund të gjejnë gjithçka në Tiranë. Ka qendra tregtare me marka të shtrenjra dhe ekonomike. Ka bare dhe restorante luksoze me çmime shumë të mira dhe me shërbim komod. Nëse një turist do qetësinë, mund të vizitojnë Dajtin ose fshatrat si Vishnje, Lundër dhe Farkë. Për ata që pëlqejnë zhurmën është zona e ish-Bllokut me bare plot me të rinj. Pastaj, edhe çmimet në markete dhe restorante janë të përballueshme për ta.”

Delinda Muçollari ndalet edhe tek anët negative. Sipas saj, ajo që shqetëson turistët është infrastruktura dhe transporti publik. “Transporti është i kufizuar vetëm tek autobusët, brenda Tiranës dhe midis qyteteve. Të huajt habiten me faktin se si një vend i Europës nuk ka trena. Po kështu, një problematikë është trafiku dhe shkelja e vazhdueshme e rregullave të qarkullimit rrugor.”

Shërbimi nuk është një nga pikat për t’u ankuar. Delinda thotë se në këtë aspekt ka përmirësim dhe dëshirë për të trajnuar stafin.

Ekspertja e turizmit dhe blogerja e mbyll intervistën me disa sugjerime se çfarë mund të vizitohet në Tiranë. Ajo e nis me një vizitë në Muzeun Historik Kombëtar, Bunk’art dhe Shtëpia me gjethe. Më pas një tur në ndërtesat me grafite nga artistë shqiptarë dhe të huaj. Për ata që pëlqejnë sportet një alternativë është edhe përvoja e “zipline” në periferi të Tiranës që mund të shoqërohet me një vizitë në kalanë e Petrelës apo dhe në liqenin e Bovillës./RTSH

Në trend Lajme

Më shumë
Protestat e dhunshme ndaj KFOR-it në Zveçan, arrestohet një serb i kërkuar nga policia

Protestat e dhunshme ndaj KFOR-it në Zveçan, arrestohet një serb i kërkuar nga policia

Lajme
'Subvencionet 1', i akuzuari mohon të jetë ai në videot për të cilat Prokuroria pretendon se është duke pranuar ryshfet

'Subvencionet 1', i akuzuari mohon të jetë ai në videot për të cilat Prokuroria pretendon se është duke pranuar ryshfet

Drejtësi
Shqiptari shpallet në kërkim në Turqi, akuzohet për “fyerje të Islamit”

Shqiptari shpallet në kërkim në Turqi, akuzohet për “fyerje të Islamit”

Lajme
Kurti takon bashkatdhetarët në Hamburg, diskuton për zhvillimet në Kosovë dhe mbështetjen për diasporën

Kurti takon bashkatdhetarët në Hamburg, diskuton për zhvillimet në Kosovë dhe mbështetjen për diasporën

Lajme
Kurti viziton Portin e Hamburgut, i kërkon Gjermanisë skanerë me rreze X për ta rritur sigurinë në kufijtë e Kosovës

Kurti viziton Portin e Hamburgut, i kërkon Gjermanisë skanerë me rreze X për ta rritur sigurinë në kufijtë e Kosovës

Lajme
Kurti takohet me Plenkoviqin gjatë pushimit të pjesës së parë mes Shqipërisë e Kroacisë

Kurti takohet me Plenkoviqin gjatë pushimit të pjesës së parë mes Shqipërisë e Kroacisë

Lajme
Kalo në kategori