Mourinho: Nuk ka asnjë kuptim ta shesim De Gean

Trajneri i Manchester United ka përjashtuar shitjen e portierit David De Gea te Real Madridi, duke deklaruar se një marrëveshje e tillë nuk ka asnjë kuptim.

Reprezentuesi spanjoll ka qenë prej kohësh i lidhur me një lëvizje te kampionët evropianë dhe spanjollë.

Një marrëveshje në gusht të vitit 2015 ishte shumë afër, por dështoi në orën e fundit shkaku i faksit.

Lexo po ashtu Real Madridi ka gati 570 milionë euro për tre yjet e Ligës Premier (Foto)  

Megjithatë, fjalët që e lidhin me Realin nuk janë ndalur asnjëherë dhe këtë vit veçse janë shtuar.

Trajneri i Unitedit, Mourinho ka reaguar ndaj këtyre fjalëve duke e përjashtuar shitjen e De Geas, pasi sipas tij nuk do të kishte sens.

“A mendoni se një klub që po përpiqet të tërheqë lojtarët më të mirë është një klub që është i hapur për të shitur lojtarët e tyre më të mirë?”, ka thënë Mourinho  për PA Sport kur u pyet për interesin potencial të Madridit në De Gean.

Lexo po ashtu De Gea i ka kërkuar agjentit të punojë për transferimin e tij te Reali gjatë verës

“Kjo nuk ka kuptim. Nëse doni të shkoni në atë nivel, ne duhet të tërheqim lojtarët më të mirë siç kemi bërë me Alexis, [Nemanja] Matic, [Paul] Pogba dhe kështu me radhë, dhe mos lejoni lojtarët tanë më të mirë të shkojnë”, përfundoi portugezi.

Marrëveshja aktuale e De Geas në Old Trafford shkon deri në qershor të vitit 2019 me klubin që thuhet se po punon për zgjatjen e kontratës deri në vitin 2023. /Telegrafi/