Vendet e QUINT-it, në 7-vjetorin e vendimit të Gjykatës Kushtetuese për Manastirin e Deçanit, kanë përsëritur thirrjen e tyre drejtuar Qeverisë së Kosovës, për të zbatuar vendimin e kësaj gjykate për regjistrimin e tokës së këtij manastiri. Këtë herë zbatueshmërinë e këtij vendimi, e kanë lidhur me anëtarësimin e Kosovës në Këshillin e Evropës. Në Kosovë ka vlerësime se vendimi duhet të zbatohet, por edhe qëndrime Kosova po kushtëzohet padrejtësisht me këtë çështje.
Shtatë vjetorin e vendimit të Gjykatës Kushtetuese për Manastirin e Deçanit e kanë kujtuar shtetet e QUINT-it të shtunën.
Madje pikërisht në këtë ditë, QUINT-i përsëriti thirrjen për Qeverinë që të zbatojë me urgjencë regjistrimin e tokës së Manastirit.
Bile këtë herë, kësaj radhe, Franca, Gjermania, Italia, Mbretëria e Bashkuar, SHBA-ja dhe BE-ja, kanë theksuar se çdo vonesë në zbatimin e vendimit nënkupton pengesë në procesin e anëtarësimit të Kosovës në Këshillin e Evropës.
“Ne jemi të bashkuar në mbështetje të së ardhmes demokratike dhe evropiane të Kosovës. Zbatimi i sundimit të ligjit dhe respektimi i pavarësisë së gjyqësorit janë obligime për të gjitha qeveritë e zgjedhura në mënyrë demokratike dhe parakushte të nevojshme për integrimin e Kosovës në institucionet evropiane dhe euroatlantike, duke përfshirë përparimin e mëtejshëm në aplikimin e Kosovës për anëtarësim në Këshillin e Evropës. Vonesa e mëtejshme është vetëm një pengesë për këtë përparim”.
Bile për drejtorin e Institutit “Musine Kokulari”, Visar Ymeri një ndërlidhje e tillë vjen për herë të parë nga QUINT-ti, e sipas tij, është koha e fundit që Qeveria t’i respektojë vendimet e Kushtetueses.
“Është hera e parë me sa e di unë që bëhet kjo ndërlidhje në mes të rrugës së Kosovës drejt Këshillit të Evropës dhe këtij vendimi, dhe ka qenë e pritshme për mendimin tim… Për shumë prej gjërave që ne i kemi shtyrë me pretendimin se do ndryshojnë, i kemi parë se ato nuk ndryshojnë përveç se kur bëhen më të këqija, pra e kemi edhe rastin e Asociacionit edhe Dialogun në tërësi e edhe këtë vendim”, ka thënë Ymeri për RTV Dukagjinin.
Nga ana tjetër njohësi i marrëdhënieve ndërkombëtare, Shqiprim Pula, këtë kushtëzim po e konsideron të padrejtë për Kosovën.
“Do të ishte padrejtësi e radhës kundrejt shtetit të Kosovës dhe qytetarëve të saj nëse do të kushtëzohej, anëtarësimi në këto organizata, përmes kërkesave që i bën Serbia parreshturazi, qoftë për themelimin e Asociacionit, qoftë për statusin e kishës serbe ortodokse, prandaj faktori ndërkombëtar këtë nuk do duhej ta pranonte si kushtëzim, ndërkohë që mos të pengohet anëtarësimi i Kosovës në këtë organizatë dhe më pas edhe në organizma tjerë ndërkombëtar”, ka thënë Pula.
Kontesti gjyqësor rreth çështjes se kujt i takojnë 24 hektarë tokë dhe pyll – ndërmarrjeve shoqërore “Apiko” dhe “Iliria” apo Manastirit mesjetar të Deçanit – ka zgjatur 16 vjet.
Më 20 maj 2016, Gjykata Kushtetuese e Kosovës ka marrë vendim në favor të Manastirit të Deçanit, por ai nuk është zbatuar, ndonëse vendimet e Gjykatës Kushtetuese janë përfundimtare dhe detyruese për të gjitha palët.
Promo
Reklamo këtuLufta Prigozhin - Putin
Më shumëNga Rubrika
Gjatë arrestimit sulmoi dy policë në Klinë, i bëri për spital
Qëndrim Januzi dënohet me 17 vjet burgim për vrasjen e 30-vjeçarit në Ferizaj
Punonjësit të FSSH-së në RMV paralajmërojnë grevë, nëse kërkesat e tyre nuk plotësohen deri në 1 qershori
Deklarimi i pasurisë së Kurtit, Miftaraj thotë se ai po investon në Norvegji
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Sa kanë pasuri Osmani dhe Kurti? Dyshja deklaron pasurinë e tyre në Agjencinë për Parandalimin e Korrupsionit
Gjendet 12-vjeçari nga Shtimja që ishte raportuar i humbur
Dritëhije mbi kërkesën e Prokurorisë së Tiranës për pushimin e çështjes për bashkëshortin e ministres Ibrahimaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri