Mostra më e vjetër e spermës në botë zbulohet në një qelibar

Shkencëtarët kanë gjetur mostrën më të vjetër të spermës së kafshëve të fshehura në një copë qelibari 100 milionë vjeçar

Paleontologët kanë zbuluar një mostër në traktin riprodhues të gaforreve antike femra të zhytura në rrëshirë – një nga disa mostrat e gaforreve nga Mjanmari – Azi.

Llojet e gaforreve të panjohura më parë, tani të quajtura Myanmar Cyprus hui, i ngjajnë midhjeve moderne dhe është një shembull i butakëve.

Butakët janë kafshë të vogla që ekzistuan rreth 500 milionë vjet më parë dhe ende mund të gjenden në oqeane, liqene të ujërave të ëmbla dhe lumenj. Duke përdorur teknologjinë 3D të rindërtimit të rrezeve X, shkencëtarët analizuan disa shembuj të butakëve, duke studiuar gjymtyrët dhe organet e tyre riprodhuese.

Ekspertët zbuluan spermatozoide të pjekura në pjesët e trupit të gaforreve femra që ata gjetën në rrëshirën ngjitëse të pemëve.

“Kjo femër duhet të jetë çiftuar pak para se të mbyllej në rrëshirë”, tha He Wang nga Akademia kineze e Shkencave në Nanjing.

Shkencëtarët thanë se ky zbulim shënon fosilin më të vjetër në të cilin më në fund u identifikuan qelizat e spermës.

Rezultatet “dyfishojnë moshën e spermës më të vjetër të kafshëve fosile pa mëdyshje”, shkruajnë autorët e raportit në gjetjet e botuara në Shoqërinë Mbretërore të mërkurën.

Shembuj të spermës së fosilizuar janë shumë të rrallë – sipas autorëve të raportit, spermatozoidi më i vjetër i njohur i spermës butak është 17 milionë vjeçar, dhe mosha rekorde e mëparshme prej 50 milionë vjetësh ishte nga një specie krimbi.

Analiza në mostrat e butakëve, të cilat datojnë nga periudha Kretace, zbuloi gjithashtu detaje të rralla të organeve të brendshme dhe riprodhuese të gaforreve.

Studiuesit shtuan se provat e përdorimit të spermës gjigante 100 milionë vjet më parë janë dëshmi e një strategjie të suksesshme riprodhuese afatgjate.