Në faqen zyrtare të partisë, Nisma Socialdemokrate nuk e ka të publikuar programin për zgjedhjet e 14 shkurtit.
Koha, ka provuar të marrë një përgjigje nga zyrtarë të Nismës lidhur me këtë temë, por ata nuk janë përgjigjur gjatë së shtunës.
Programin në ueb faqe nuk e ka të publikuar as Lëvizja Vetëvendosje. Përmes një përgjigjeje me shkrim nga kjo parti, nuk janë dhënë arsyet se pse një gjë e tillë nuk është bërë deri më tani, derisa kanë thënë se programi do të publikohet së shpejti.
“Programi i Lëvizjes Vetëvendosje është një dokument në të cilin është punuar që nga gushti i vitit të shkuar, dhe rrjedhimisht është një dokument voluminoz. Ditë më parë kryetari Kurti ka prezantuar vetëm pikat dhe prioritetet kryesore të programit, bashkë me zotimet e tij që mbështeten në program. Versioni i shkruar i tij, në formë të përmbledhjes, shumë shpejt do të publikohet edhe në faqen zyrtare të Lëvizjes VETËVENDOSJE! duke u bërë kështu i qasshëm për të gjithë”, ka thënë zëdhënësi i kësaj partie, Përparim Kryeziu.
Me disa fjalë të shkurtra, Lidhja Demokratike e Kosovës ka të paraqitura prioritetet e saj. Por, pikat e prezantuara nuk janë të shtjelluara më tej. Pikat kyçe të programit, kjo parti është duke i shpërndarë në formë të broshurës, derisa zyrtarë të LDK-së, nuk kanë dhënë përgjigje se kur do të jetë publik programi i shkruar e i plotë.
Në formë të shtypur dhe elektronike, programin e saj për zgjedhjet e parakohshme të shkurtit, e ka Aleanca për Ardhmërinë e Kosovës. Por, për ta parë online programin e AAK-së, duhet të kërkosh direkt për të, pasi faqja e kësaj partie është jashtë funksionit.
Nga AAK-ja, nuk kanë dhënë shumë detaje, derisa janë shprehur të bindur se me format e zgjedhura të prezantimit të programit të tyre, do të arrijnë te secili qytetar.
“Programi ynë shpaloset nga kandidati për President, Ramush Haradinaj në çdo tubim zgjedhor, si dhe nga kandidatët për deputetë. Gjithashtu ai prezentohet në debate televizive, spote, portale e të tjera. Qytetarët duhet të jenë të njoftuar me ofertën e AAK-së, qoftë pjesën programore, qoftë edhe kualitetin e listës. Me të gjitha këto aktivitete, shtuar kësaj edhe shpërndarjen fizike të programit në formë të shtypur, besojmë se do të arrijë te secili qytetar”, është shprehur Lulëzim Blaka, zëdhënës në AAK.
E Partia Demokratike e Kosovës, në faqen e saj zyrtare ka të prezantuar në detaje vetëm një pjesë të programit. Nga PDK-ja kanë premtuar se publikimi i programit të detajuar është çështje orësh.
“Programi i Partisë Demokratike të Kosovës tani më është publikuar në vija të përgjithshme. Ndërsa programi i detajuar do të publikohet shumë shpejtë brenda 24 ore në faqen zyrtare të partisë pdk.info në formatin pdf. Programi do t’ju dërgohet me e-mail të gjithë atyre qytetarëve të abonuar në platformën elektronike të PDK-së. Po ashtu programi do të shtypet në letër për shpërndarje në formate të ndryshme”, ka deklaruar Avni Bytyçi nga PDK-ja.
Publikimin e plotë të programeve të partive në prag të zgjedhjeve, Arbëresha Loxha nga Grupi për Studime Politike e Juridike e sheh gjë elementare. Sipas saj, mospublikimi i tyre është i lidhur edhe me humbjen e besimit të qytetarëve ndaj programeve të prezantuara.
“Kjo është një qasje joserioze, sepse qytetari jo domosdoshmërisht ka mundësi që të dalë në fushatë e jo domosdoshmërish e ka të mundur të përcjell shpalosjen e programit në debate televizive dhe është e drejtë e secilit qytetarë që të ketë qasje në programet e partive”, është shprehur Loxha.
Partitë politike kanë kohë deri të premten në mesnatë që t’i prezantojnë planet e tyre, për mënyrën e qeverisjen me vendin./koha.
Promo
Reklamo këtuLufta Prigozhin - Putin
Më shumëProfesori shqiptar nga Londra: Në Britani të Madhe i gjithë spektri politik është pro Kosovës
Një milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
Parlamenti britanik miratoi mocionin e Alicia Kearns për Kosovën
Në automjetin me targa të Serbisë, policia konfiskoi 390 kg duhan kontrabandë në Gjilan
Deputeti i LVV-së akuzon opozitën, Basha: Po i shtrembëron raportet ndërkombëtare për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe