LAJMI I FUNDIT:

Mos mbajtja e provimeve, autoshkollat protestojnë para Ministrisë së Infrastrukturës

Mos mbajtja e provimeve, autoshkollat protestojnë para Ministrisë së Infrastrukturës

Federata e autoshkollave të Kosovës ka bërë të ditur se sot do të mbahet protestë për të shprehur padrejtësitë që po u bënë Ministria e Infrastrukturës dhe Ambientit.

“Të pakënaqur me Ministria e Infrastrukturës dhe Ambientit gjëgjësisht nga Departamenti i Auto shkollave i cili me neglizhencë ndaj auto shkollave nuk na mundësin mbajtjen e provimeve nga pjesa teorike dhe ajo praktike si dhe nuk na është mundësiuar mbajtja e ligjeratave as online nëpër autoshkolla dhe mbajtja e orëve praktike duke detyruar që me muaj të presin kandidatët”, thekson Federata.

Federata ka vlerësuar se gjendja ekzistuese është e papranueshme pasi gjendja ekzistuese në lëmin e patent-shoferëve është kaotike.

Në mungesë të mirëkuptimit nga ana e Ministrisë së Infrastrukturës atëherë sipas Federatës mbetet opsioni i protestës masive nga auto-shkollat.

Protesta fillon të Fakulteti Teknik dhe vazhdon në drejtim të Ministrisë së Infrastrukturës.