Analisti i politikave në Institutin për Studime të Avancuara GAP, Agron Demi thotë se nga mos liberalizimi i vizave për Kosovës, qytetarët për dy dekada kanë shpenzuar rreth 180 milionë euro, vetëm për aplikim.

Reklama

Demi me anë të një shkrimi në Facebook pohon se për vetëm gjashtë vite janë shpenzuar 89 milionë euro.

“Sipas një raporti të GAP & GLPS (2013), në periudhën 2010-2012, kosovarët kanë shpenzuar 9.1 milionë euro për aplikim për viza. Sipas një raporti më të ri të BPRG, në periudhën 2016-2021 janë shpenzuar edhe 89 milionë euro. Nëse e marrim mesataren e këtyre viteve dhe e aplikojmë për vitet që mungojnë në këto dy studime, del se në dy dekadat e fundit janë shpenzuar rreth 180 milionë euro vetëm për aplikim për viza”, shkruan Demi, përcjell Telegrafi.

Reklama
Reklama

Nga viti 2016 deri në vitin 2021, ambasadat e vendeve te Schengenit i kanë pranuar 539,344 aplikime.

Po ashtu, regjimi i vizave ia ka pamundësuar kompanive kosovare të kenë qasje të barabartë me fqinjët e tyre në tregjet evropiane. Rrjedhimisht, kompanitë vendore në krahasim me rajonin, kanë qenë gjithnjë në disavantazh dhe kanë mundësi më të pakta. /Telegrafi/