Real Madridi është kurorëzuar ‘mbret’ i Evropës pasi ka fituar trofeun e 14-të në histori të Ligës së Kampionëve, duke mposhtur Liverpoolin në finale.
Los Blancos u treguan konkret dhe cinik në finalen e Stade de France duke triumfuar me rezultat minimal 1-0 ndaj Liverpoolit që dominoi ndeshjen.
Goli i vetëm në këtë triumf madhështor të Los Blancos u shënua nga Vinicius Junior, i cili shënoi në minutën e 59-të pas asistimit të Federico Valverdes.
Me këtë triumf, Real Madridi shkon në kuotën e 14-të trofeve të fituar në Ligën e Kampionëve, apo dy herë më shumë se çdo skuadër tjetër evropiane.
Pas finales, fillimisht lojtarët e Liverpoolit pranuan medaljet e argjendta, ndërsa pas tyre Mbretërit morën medaljet e arta.
Në fund, qershia mbi tortë ishte trofeu që u pranua nga kapiteni Marcelo, i dhuruar nga presidenti i UEFA-s, Aleksander Ceferin.
Më poshtë keni disa video të momentit të ngritjes së trofeut nga Los Blancos. /Telegrafi/
