Mollët vijnë me çmim të ulët nga Serbia, rreth 150 mijë ton mollë të pashitura në Korçë, Shoqata e Biznesit të Vogël kërkon dekurajimin e importit

Shoqata e Biznesit të Vogël e të Mesëm të Shqipërisë ka reaguar për mosshitjen e mollëve të fermerëve të juglindjes së vendit, kryesisht të qarkut të Korçës.

Për gjetjen e një zgjidhje kjo shoqatë i një kërkon ministrisë së Bujqësisë, asaj së Financave dhe kryeministrit të vendit gjetjen e një zgjidhje për të ardhur në ndihmë fermerëve për shitjen e afro 15 mijë ton mollëve të pashitura.

Sipas nënkryetarit të kësaj shoqate, Bujar Muço dy janë mundësitë për t’u ardhur në ndihmë fermerëve të shesin prodhimin që ka ngelur i ruajtur në frigorifer, rritja e çmimit të referencës së importit dhe rritjen e kontrollit të analizave të prodhimit që vjen nga vendet e tjera.

Nënkryetari i kësaj shoqate ka bërë me dije se në qoftë se kjo situatë nuk merr zgjidhje, fermerët do të përshkallëzojnë protestat e tyre.

I gjithë ky ngërç në mosshitjen e prodhimit ka ardhur për shkak të grumbullimit me çmim të lartë nga ana e grosistëve ndërkohë që mollët që vijnë nga Serbia, Moldavia dhe Polonia janë me çmim të ulët duke bllokuar prodhimin vendas, raporton Euronews Albania. /Telegrafi/