Mohamed Salah bën thirrje për ndihmë të menjëhershme humanitare për Gazan

Me një lutje të përzemërt në llogaritë e tij në rrjetet sociale, ylli i Liverpoolit, Mohamed Salah, iu drejtua të gjithëve për ndalimin e dhunës në Gaza, duke theksuar nevojën urgjente për ndihmë humanitare.

Ylli i futbollit shprehu shqetësimin e tij të thellë për brutalitetin në rritje, duke theksuar se çdo jetë ka rëndësi të madhe.

“Nuk është gjithmonë e lehtë të flasësh në kohë si kjo. Ka pasur shumë dhunë dhe shumë brutalitet që të thyen zemrën”.

“Të gjitha jetët janë të shenjta dhe duhet të mbrohen. Masakrat duhet të ndalen. Familjet po copëtohen”, ka thënë Salah në një video në Instagram.

Ai theksoi se ndihma humanitare për Gazën duhet të lejohet menjëherë.

Lexo po ashtu Shumë viktima, të plagosur, pengje dhe të zhvendosur - gjithçka ndodhi në 33 ditë, që nga fillimi i luftimeve izraelito-palestineze më 7 tetor

“Njerëzit atje janë në kushte të tmerrshme. Skenat në spital mbrëmë ishin tmerruese. Banorët e Gazës kanë nevojë urgjente për ushqim, ujë dhe furnizime mjekësore”.

pic.twitter.com/cpyHFIhuQj

— Mohamed Salah (@MoSalah) October 18, 2023

“Populli i Gazës ka nevojë urgjente për ushqim, ujë dhe furnizime mjekësore. Unë po u bëj thirrje liderëve botërorë të bashkohen. Për të parandaluar masakrën e mëtejshme të shpirtrave të pafajshëm. Njerëzimi duhet të mbizotërojë”, nënvizoi egjiptiani. /Telegrafi/