Mkhitaryan me një mesazh emocionues për tifozët e Dortmundit (Foto)

Mesfushori më i ri i Manchester United, Henrikh Mkhitaryan si duket është lidhur shumë me klubin e Borussia Dortmundit.

Armeni iu ka bashkuar Manchester Unitedit për një shumë mbi 40 milionë euro.

Ai ka shfrytëzuar faqen e tij zyrtare në Facebook për të shkruar një mesazh emocionues duke iu falënderuar tifozëve të Dortmundit për momentet e mira që ka kaluar aty.

“Tifozë të dashur, dua të shfrytëzoj këtë mundësi për t’iu falënderuar të gjithëve te Borussia Dortmund, që nga administrate te stafi i trajnerëve, shokët e ekipit dhe sigurisht tifozët e mrekullueshëm, për dashurinë dhe mbështetjen që më kanë dhënë në sezonet e kaluar”.

“Asnjëherë nuk do t’i harrojë momentet që kemi ndarë bashkë si brenda ashtu edhe jashtë fushës përgjatë tre viteve të fundit dhe ndihem i privilegjuar që kam përfaqësuar një klub kaq të madh dhe një qytet kaq të bukur”.

“Kur më kujtohen rrënjët e mia dhe karriera e babait tim, jam mësuar të kërkoj gjithmonë sfida të reja në mënyrë që të nderoj familjen time, dhe duhet ta merrja këtë hap dhe t’i bashkohesha Manchester United. Ju falënderoj për të gjitha kujtimet e bukura. Do të jeni gjithmonë në zemrën time. Me dashuri, Micki”, shkroi mesfushori më i ri i Manchester United. /Telegrafi/