Interi ka marrë lajme të mira nga stafi mjekësor para finales së Ligës së Kampionëve kundër Manchester Cityt, me Henrikh Mkhitaryanin që është kthyer në stërvitje.
34-vjeçari ka qenë pjesë e rëndësishme e arritjeve në ekipin e Simone Inzaghit këtë sezon duke startuar në 11 nga 12 ndeshjet e garës elitare evropiane.
Mirëpo, në javët e fundit ka pasur probleme me lëndime dhe ka qenë në dyshim përfshirja e mesfushorit armen në finalen e 10 qershorit.
Mkhitaryan nuk ka luajtur në tri ndeshjet e fundit të Serie A, por TMW bën të ditur se sot (e mërkurë) është kthyer në stërvitje me bashkëlojtarët e tij në Appiano Gentile.
Ai pritet të jetë i gatshëm për të udhëtuar në Stamboll me pjesën tjetër të skuadrës duke përforcuar opsionet e Inzaghit në mesfushë. /Telegrafi/
