Mjekët janë aq të tronditur nga Ibrahimovici se që duan ta përdorin atë për hulumtime

Forca e Zlatan Ibrahimovicit ka befasuar edhe mjekët të cilët e kanë operuar suedezin pas lëndimit që pësoi në takimin ndaj Anderlechtit në Ligën e Evropës.

Sipas agjentit të yllit të Manchester Unitedit, Mino Raiola, suedezi është operuar me sukses.

Lexo po ashtu Të pasurit e sportit në Britaninë e Madhe: Prin Hamilton, i ndjekur nga dy yjet e Unitedit

Por, agjenti holandez ka zbuluar se mjekët dëshirojnë të studiojnë trupin e Ibras.

“Gjuri i tij është aq i fortë sa mjekët kanë thënë se nuk kanë parë diçka të tillë”, ka thënë Raiola për gazetën suedeze Expressen.

“Ai ka një gju i cili është pothuajse i pamundur për futbollistët tjerë me 20 vite karrierë. Nuk kishte ndonjë komplikim në gjurin e tij”.

“Zlatan është aq i fortë sa mjekët e dëshirojnë atë për hulumtime pasi të përfundojë karrierën. Ata punojnë në institucionet më të mira hulumtuese për gjunjët dhe ligamente”.

Lexo po ashtu Ibra ka marrë mesazhe mbështetëse nga e gjithë bota, por tifozët e Malmos vijnë me më të bukurin (Foto)

“Pra pasi Zlatan të përfundojë karrierën, ai do të kthehet dhe ata do të intervenojnë serish për të hulumtuar ligamentet e tij”, ka shtuar Raiola.

Vlen të theksohet se Ibrahimovic është ende në SHBA duke u rikuperuar nga lëndimi. /Telegrafi/