Mister në mes të shkretëtirës, shkuan për të numëruar delet dhe hasën në një objekt të metaltë të fshehur në muret shkëmbore

Një objekt misterioz i metaltë i lartë mbi 3.5 metra, është gjetur në pjesën e braktisur të shkretëtirës në Shtetet e Bashkuara.

Monoliti i metaltë, siç e kanë përshkruar ekspertët, është gjetur sikur të ishte “mbjellë” në tokë, i fshehur mes mureve shkëmbore të kuq, transmeton Telegrafi.

Punonjësit në institutin për mbrojtjen e jetës së egër në shtetin e Utah, kanë vërejtur këtë obelisk nga helikopterit derisa po numëronin delet në këtë rajon.

“Ka qenë diçka e çuditshme që kurrë më parë nuk kam pasur rastin ta shoh”, ka deklaruar Bratt Hutchings.

“Atë e pa njëri nga biologët derisa po fluturonim mbi të. Ai tha, ‘oh jo, shikoni, shikoni. Atje është diçka e çuditshme duhet ta shikojmë për së afërmi’”, e ka përshkruar ngjarjen piloti, i cili shtoi.

“Jemi tallur duke thënë se nëse dikush prej nesh zhduket, atëherë ju tjerët do të vraponi pas këtij objekti”, ka shtuar ai.

During a mission to help count bighorn sheep, officials in Utah have discovered a mystery metal monolith in a remote area of red rock.

Watch more videos from Sky News: https://t.co/jWoCFWXemS pic.twitter.com/UjGkdgXkub

— Sky News (@SkyNews) November 24, 2020

Ata menduan se bëhet fjalë për diçka që mund ta ketë vendosur NASA, apo diçka e ngjashme. Dukej sikur ishte vepër e njeriut.

“Ndoshta është vepër e ndonjë artisti të valës së re apo adhurues i flaktë i filmit fanta-shkencë “Odiseja në Hapësirë” prodhim i vitit 2001. /Telegrafi/