Më e bukura e Afrikës së Jugut, Demi-Leigh Nel-Peters, është shpallur ‘Miss Universe 2017’.
22-vjeçarja mposhti konkurrencën e përcjellëses së parë, ‘Miss Kolumbisë’ Laura Gonzalez dhe përcjellëses së dytë, ‘Miss Xhamajkas’ Davina Bennett.
(Foto: Getty Images)
Kjo garë e bukurisë është zhvilluar të dielën mbrëma në Planet Hollywood në Las Vegas të SHBA-ve.
Krahas bukurosheve tjera, pjesëmarrëse në ngjarjen e madhe të bukurisë ishte edhe përfaqësuesja e Shqipërisë.
Mirëpo, Blerta Leka nuk u përfshi në 16 vajzat finaliste të kompeticionit.
(Foto: Getty Images)
Ndryshe, Nel-Peters ka diplomuar në menaxhment biznesi në Universitetin North-West.
Gjatë intervistës së saj të xhiruar, ajo ka folur edhe për vështirësitë dhe rreziqet që i përjetojnë njerëzit në vendin e saj.
(Foto: Getty Images)
Kjo gjë e ka bërë që të angazhohet në një program të vetëmbrojtjes për femrat. /Telegrafi/
(Foto: Getty Images)
