Një 37-vjeçar shqiptar, i cili ka tentuar të vrasë veten brenda qendrës së emigrantëve Brook House, në Gatwick të Britanisë së Madhe, raportohet se ka ndërruar jetë një javë më pas në spital.
The Guardian sqaron se emigranti i paligjshëm nga Shqipëria ndërroi jetë të premten në spitalin East Surrey, ku ishte shtruar në njësinë e kujdesit intensiv pasi kishte tentuar të vetëvritej brenda kampit të emigrantëve.
Të shtunën në mëngjes, Home Office konfirmoi vdekjen e 37-vjeçarit, ndërsa policia, mjeku ligjor dhe avokati i popullit për burgjet dhe shërbimet e provës kanë nisur hetimet për rastin.
“Mendimet dhe ngushëllimet tona janë me familjen dhe miqtë e personit që ka vdekur. Mirëqenia e të gjithë atyre në kujdesin tonë është e një rëndësie të madhe. Çdo vdekje në paraburgimin e imigracionit është një ngjarje tragjike dhe do t’i nënshtrohet hetimit nga policia, mjekësia ligjore dhe avokati i pavarur i burgjeve”, tha një zëdhënës i Home Office.
Ndërkohë, pas përpjekjes së 37-vjeçarit për të vrarë veten dhe tentativës për vetëvrasje të një shqiptari të dytë, një protestë u organizua në qendrën Brook House, e cila së fundmi ka qenë objekt i një hetimi publik për kushtet në të cilat mbahen emigrantët e paligjshëm.
Burri i dytë që tentoi vetëvrasjen sipas Guardian u deportua menjëherë për në Shqipëri, por u kthye sërish në Britani pas një sfide ligjore nga avokati i tij, i cili aplikoi për anulimin e urdhrit të tij të dëbimit.
Home Office më pas e ktheu atë sërish në qendrën Brook House pasi ra dakord të shtynte dëbimin e tij nga Britania. Raporti i një psikologu i parë nga Guardian i kërkon Home Office që të kryejë një vlerësim të plotë klinik përpara se të vazhdonte me dëbimin e shqiptarit.
“Dështimi për ta bërë këtë mund të rezultojë në dëm të pariparueshëm për mirëqenien e tij psikologjike dhe fizike”, thuhet në raport.
Sakaq, një i burgosur shqiptar i përfshirë në protestën brenda qendrës së emigrantëve tha se dy burrat që kishin tentuar të vrisnin veten kishin frikë për sigurinë e tyre për shkak të planeve të afërta për t’i deportuar në Shqipëri.
“Njëri prej tyre më tha se mendonte se do të ishte më mirë të vdiste në Mbretërinë e Bashkuar sesa të kthehej në Shqipëri. Trajtimi ynë në paraburgim nuk është i mirë. Ne nuk jemi kafshë, ne jemi njerëz”, tha ai.
Esme Madill, një avokate në Njësinë Ligjore të Fëmijëve Emigrantë dhe Refugjatë me bazë në Qendrën Juridike Islington, tha se lajmi për vdekjen e 37-vjeçarit kishte krijuar frikë tek shqiptarët që kërkonin strehim në Britani.
“Ky rast ka pasur ndikim të vërtetë tek viktimat e reja dhe të pambrojtura shqiptare të trafikimit me të cilët punojmë, të cilët kanë frikë nga mungesa e mbikëqyrjes gjyqësore dhe besojnë se kjo është ajo që i pret. Ne jemi vërtet të shqetësuar që përcaktimi aktual i Shqipërisë si një vend i sigurt nga Ligji i Migracionit të Paligjshëm po rrit ndjenjat e dëshpërimit tek të rinjtë me të cilët punojmë dhe kemi frikë se incidente të tilla mund të bëhen më të zakonshme”, tha ajo./A2 Cnn
Lufta Prigozhin - Putin
Më shumëNga Rubrika
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Të shtëna me armë në Lupç të Podujevës, katër të plagosur
Prokuroria jep detaje për plagosjen e katër personave në Lupç të Podujevës
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit