Në funksion të sigurimit të përkrahjes institucionale nga institucionet qendrore të Republikës së Shqipërisë për Institutin ATOMI për fillimin e zbatimit të Projektit ATOMI edhe në Shqipëri, përfaqësuesit e Institutit ATOMI janë pritur në një takim pune nga udhëheqëset e Ministrisë së Arsimit, Sportit dhe Rinisë të Shqipërisë, ministrja Lindita Nikolla dhe zëvendësministrja Besa Shahini.

Reklama

Ministrja Nikolla dhe zëvendësministrja Shahini ofruan mbështetje për Institutin ATOMI dhe garantuan që në bashkëpunim dhe koordinim edhe me Bashkinë e Tiranës, Ministria e Arsimit e Shqipërisë, në përputhje me legjislacionin në fuqi, do të ofrojë gjithë përkrahjen e nevojshme për të mundësuar realizimin e Projektit ATOMI, fillimisht në Tiranë e pastaj edhe në gjithë Shqipërinë, në mënyrë që edhe në Tiranë e Shqipëri të krijohen dhe zbatohen mekanizma dhe praktika profesionale me bazë shkencore për identifikimin dhe përkrahjen e nxënësve me potencial të jashtëzakonshëm intelektual (atomistëve).

Reklama
Reklama

Pas kësaj, Instituti ATOMI do të bëjë të gjitha përgatitjet e nevojshme, në mënyrë që Projekti ATOMI të fillojë të zbatohet në Tiranë që nga vjeshta e këtij viti, duke përfshirë të gjithë nxënësit e shkollave të mesme të larta të Tiranës, klasat 10-12, pëcjell Telegrafi.