Ministri i Punës dhe Mirëqenies Sociale, Skender Reçica, ka deklaruar se shkalla e lartë e papunësisë në vend po tentohet të zvogëlohet përmes aftësimit profesional mbi bazën e nevojës së tregut të punës.
Në një intervistë për KosovaPress, teksa flet për sigurinë e punëtorëve në vendin e punës, Reçica thotë se në aspektin e sigurisë dhe shëndetit të punë si ministri, kanë arritur ta ngrisin vetëdijen e punëdhënësve se jeta e punëtorit duhet të sigurohet.
Teksa e pranon se sfidë për vendin tonë mbetet shkalla e lartë e papunësisë, Reçica thotë se mbështetja e sektorit privat do të krijojnë kushte të punësimit në vend.
Ministri i Punës ka theksuar se viti 2018 është mbyllur me 14 mijë vende të lira të punës në mungesë të fuqisë punëtore adekuate, derisa të regjistruar si punëkërkues kanë qenë mbi 100 mijë persona.
“Orientimi që ne jemi duke bërë që të rinjtë tanë t’i aftësojmë dhe riaftësojmë profesionalisht mbi bazën e nevojave të tregut të punës ose siç po e quajmë orientimin e tyre në karrierë, do jetë një nga mundësitë që ne në të ardhmen këtë shkallë të lartë të papunësisë mos ta kemi, ose mos ta kemi një hendek mes asaj që në tjetrën anë kemi punëkërkues të regjistruar dhe në tjetrën anë kemi vende të zbrazëta të vendeve të punës në mungesë të punëtorëve të kualifikuar mbi bazën e atyre që kërkohet. Në kuadër të kësaj brenda agjencisë së punësimit të Ministrisë së Punës dhe Mirëqenies, ne i kemi qendrat e aftësimit profesional, kemi tetë qendra të aftësimit profesional”, shprehet ministri Reçica.
Reçica u shpreh se me qëllim të rritjes së sigurinë në vendin e punës, prioriteti i tyre kryesor mbetet zbatimi i dispozitave ligjore për sigurinë dhe shëndetin në vendin e punës.
Sipas tij, fushatat e organizuara nga ky dikaster ka dhënë efektet pozitive, prandaj edhe punëdhënësit janë bërë më të kujdesshëm.
“Ne po përpiqemi që me dispozitat të cilat janë të qarta në ligjin për shëndetin dhe sigurinë në vendin e punës të bëhen realitet në zbatimin e tyre në praktik dhe siguria dhe shëndeti në vendin e punës ka qenë dhe është një ndër objektivat kryesore të Ministrisë së Punës dhe Mirëqenies Sociale…..Ajo që mund të konstatoj është se është një vetëdije nga ana e punëdhënësve që realisht t’u kushtohet kujdes më tepër edhe zbatimit të masave dhe ruajtjes së jetës së punëtorëve sepse si duket thirrjet tona, kampanjat që jeta e njeriut mbi të gjitha, jeta e punëtorëve mbi të gjitha po jep efektet e veta dhe uroj dhe besoj që vetëm të bashkuar si punëdhënës dhe punëmarrës dhe ne si institucione punojmë me përkushtim dhe natyrisht do të kemi raste më të vogla”, shprehet ai.
Reçica ka paralajmëruar shqiptim të gjobave për të gjithë ata që nuk zbatojnë aktet ligjore për sigurinë dhe shëndetin në punë.
“Në të gjitha rastet ku ndodhin aksidentet si pasoj e lëshimit dhe mos zbatimit të akteve ligjore natyrisht që inspektorati ka shqiptuar dhe do shqiptoj gjoba, edhe në rastet kur kanë ndodhur lëndimet e vogla, edhe në rastet kur kanë ndodhur lëndimet me fatalitet inspektorati ka kryer raportet dhe ka shqiptuar gjobat”, thotë ministri i Punës.
Kujtojmë që në vitin 2017 në vendin e punës kanë humbur jetën 21 punëtorë, në vitin 2018, kanë humbur jetën 22 punëtorë, ndërsa deri në maj të vitit 2019, në vendpunishte 6 punëtorë kanë humbur jetën. /Telegrafi/
Lufta Prigozhin - Putin
Më shumëU hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
Pasuria e guvernatorit të BQK-së, drejtorit ATK-së dhe drejtorit të Doganës
GoBau – Kositëse bari
KEDS: Elektroseveri ka filluar t’i vendosë njehsorët e rrymës në veri
EBC Cosmetics vjen me zbritjen më të madhe vjetore
StaffiX ofron trajnim për Bazat e Menaxhimit të Burimeve Njerëzore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre