Milani nuk ka mundur të marrë më shumë se një barazim 1-1 në udhëtim te Cagliari në ndeshjen e vlefshme për javën e katërt në Serie A.
Pjesa e parë e ndeshjes ishte thuajse e barabartë, me të dyja skuadrat që krijuan shumë raste për gol, por vetëm vendasit arritën ta tundin rrjetën.
Luhej minuta e katërt e ndeshjes kur sulmuesi Joao Pedro shënoi për 1-0 pas një topi të kthyer nga portieri Gianguligi Donnarumma.
Milani rastet më të mira i pati me Hakan Calhanouglu (11') dhe Giacomo Bonaventura (38'), por asnjëra nuk gjeti cakun.
Në pjesën e dytë, Milani u ngjall më shumë dhe rriti sulmet e tyre në drejtim të Cagliarit.
Nuk vonoi shumë dhe në minutën e 56-të në skenë doli Gonzalo Higuain, i cili shënoi golin e parë për të barazuar rezultatin 1-1 pasi shmangu për mrekulli portierin vendas.
Deri në fund të ndeshjes u zhvillua shumë lojë e hapur, pasi të dyja skuadrat kërkonin fitoren, por në rrjetet mbeten të paprekura dhe ndeshja përfundoi me barazim 1-1.
Pas këtij barazimi, Cagliari e sheh veten në vendin e 12-të me pesë pikë, ndërsa Milani zë pozitën e 15-të me katër pikë.
Në ndeshjen e radhës, Rossonerët e presin në shtëpi Atalantan, ndërsa Cagliari udhëton te Parma. /Telegrafi/
https://twitter.com/calcio_square/status/1041395949908750336
https://twitter.com/IFTVofficial/status/1041413033069879296
