Milani fiton garën me Interin për Tonalin, zyrtarizimi çështje ditësh

Sandro Tonali ka vendosur për të ardhmen e tij dhe do të largohet nga Brescia.

Talenti i madh italian ka qenë objektiv i skuadrave të mëdha si Inter, Milan, Juventus e Roma.

Më së shumti kohëve të fundit janë interesuar dy skuadrat milaneze Milan dhe Inter.

Por duket se garën për mesfushorin e kanë fituar Kuqezinjtë dhe krejt kjo falë legjendës së tyre Paolo Maldini.

Sipas asaj që ka raportuar gazetari italian Antonio Vitiello, Maldini ka arritur marrëveshje personale me Tonalin.

Tani i mbetet Rossonerëve që të gjejnë gjuhë të përbashkët me Brescian për yllin e ri të Kombëtares italiane.

Milan është gati të shpenzojë 35 milionë euro për Tonalin plus 10 të tjera në formë bonusesh.

Te Brescia e dinë mirë që nuk mund ta ndalin yllin e ri në Serie B dhe do të lejojnë largimin e tij, por presidenti Cellino po kërkon të fitojë sa më shumë nga shitja e Tonalit.

Gjithsesi sipas medieve në Itali, zyrtarizimi i Tonalit si lojtar i ri i Milanit është vetëm çështje ditësh. /Telegrafi/